هوسي بإبنة عدوي الجزء الثاني (رواية بدارجة المغربية في طور الكتابة +18 )

86

💀هوسي بإبنة عدوي 2 💀
👑oumaima mega👑
🎭405🎭

وئام طلعت عينيها ....كان الاركس عينو مقوسة فحال شي نسر و كيشوف في ديك الورقة لي تلاحت ...ياسر وسع عينو و وجهو تخطف منو ....اركس بجوج اصابع هز ديك الورقة من حدا يدين الاميرة لي غير كتشوف و فتحها بجوج اصابع بوحد الهدوء و جميع التلاميد لي في القسم دورو رؤوسهم ليه ....و هنا كات الصدمة انه كيقرا رسالة معجب ....تحرك فلادو الثقيل من مكانو و خرج عينو و عقد حواجبو ... وئام كترمش فيه بمنتهى لبراءة و كتشوف وجهو تغير معرفتش شنو السبب ...و اركس طلع عينو ديريكت في ياسر لي تقوسو بوحد الحدة و حتى لونهم الاخضر ولا داكن بوحد الشكل مخيف  .... ياسر شافو كيشوفيه و هو ينزل راسو دغيا من متمنياتو انه ميكونش عرفو هو لي لاح الورقة ....و لكن ماشي دائما الامنيات كتحقق ....اصلان زيط على سنانو بين فمو و بدا كيقطع في الورقة بوراق صغار و بدا كيتحرك للعندو بشوااية ....و هالة السكون و الانظار كتحيط بيه مترقبة ....و وئام حتى هي دارت متبعاه بعينها

نرجعو لوتشي الاعدادية ...رشا فعلا معصبة من الموقف مغاديش تخلي برهوشة تاخد مكانها
سوزي كتحاول تبرر موقفها : لا ا انسة رشا انا غ غ غير واقفة مع الصديق ديالي
رشا : هاد الهدرة غتقوليها الادااارة ماشييي ليا هما غادي يعرفو كيف يعاقبوك
سوزي وسعات عينيها : لا لا ا انسة رشا كنعتادر بزاف
رشا عينيها حمرين فيها : خلي اعتدارك عندك دابا تفضلي معايا للادارة ....وعد عض شفاهو السفلية و داير يدو في جيبو هادشي تماما لي بقا هو ان رشا دير ليه هاد المشكل وتخليه فرجة ومحط انظار للتلاميد لي كانو كلهم واقفين و كيشوفو في هادشي ...  من بيناتهم روز الخجولة شادة الصاك ديالها بيديها و مطلعة حواجبها بالرأفة قلبها  معندوش لقدرة يتحمل كثر من هاكا ...دارت بشوية عطاتهم بضهرها و نزلت راسها للارض معندهاش امل تكون معاه دابا هو محاط بالجميلات عطاها فرصة في الاول و لكن رفضتها و بقوة... رشا دات معاها سوزي الادارة و هي معصبة ....و وعد دار غير صدفة حتى لمحها بين التلاميد ...غادية عاطياه بضهرها وسع عينو مستحيل تكون شافت هادشي خاصة القبلة ديال سوزي ....عقد حجبانو السود بحدة ...و هو كيلمحها كتمشا بتتثاقل ...حتى تحطو على كتافو بجوج جوج داليدين .. كانو صحابو سعد و انور ...وعد دار غير بنص عين باش يشوف شكون و رجع عينو لروزي لي كتمشى قدامو
انور : اوووو شعبية ديالك كبرات ا سي وعد
سعد : ولاو كيتعاقبو على قبلك البنات ههههه
انور رفع حاجب و دار كيشوف فين كيشوف : مزال حاضي ديك البنت الصغيرة

روز كانت كتمشى و منزلة راسها و في مقابلها كانت جاية وحد البنت حتى هي في عمر المراهقة ....شكلها دبدوبة شوية و دايرا نضاضر و ليباك في سنانها ...و منزلة راسها كتمشى بشوية و عينيها على الجماعة ديال وعد ....روز جاية حتى هي حانية راسها ....و لخرا جاية حتى هي مامنتابهاش ....حتى وقعت الاكسيدون ....تصاطحت روز هي و ديك البنت تصطيحة خايبة