هوسي بإبنة عدوي الجزء الثاني (رواية بدارجة المغربية في طور الكتابة +18 )

الاجزاء الرابعة

💀هوسي بإبنة عدوي 2 💀
👑oumaima mega👑
🎭11🎭

وئام حاطة يدها فوق اليد ديالو و قلبها انقبض عليها بشدة و كيدق بخفقات قلال و بدات كتطلع النفس ديالها و تنزلها وبدات كتخطي خطوات مع هاد الشخص ...و كتبعد على الاب ديالها  و هي مقوسة حواجبها برأفة و كتشمى معاه للساحة المخصصة للرقص و كتحرك البؤبؤ ديال الاعين ديالها في الاثرياء لي وقفو بكؤوسهم و استدارو للعندهم ....حتى وقف بيها  صاحب القناع الغريب في ساحة الرقص فين كانو كيرقصو ناس قلال وحتى هوما دارو يشوفو شكون غيرقص مع الشبلة لاول مرة من غير الملك ديالها .....كان عرضو كيقسي الحجم ديالها و دار للعندها بابتسامة غريبة ...و عينيه كيشوفو في هاد الملاك لي كتبان غير عينيها الزمردية كتحولهم في الاشخاص لي كيرمقوهم بأنضار الفضول والدهشة... حرك الشفاه ديالو جانبيا و هز يدو لي بالقفزات الجلدية السوداء و حطها على الثنايا ديال خصرها و حرك يدو دهبا و ايابا باش تطلع عينيها فيه ....حتى قفزت من مكانها و دورات راسها للعندو و مجبدة عيونها الخضراء تحت الماسك فيه ...شفاهها مفتوحة ...هو يجرها بشوية وقربها للعندو و حطات يدها فوق صدرو على حساب اصول رقصة و يد ثانية في يدو ....و تحرك بيه بميلان على حساب الموسيقى و هي بين احضانو و كتشوف فيه ...وئام كتشوف في عيونو لي ما فيها حتى انعكاس فقط نضرات مريبة وابتسامة مستفزة و كتزيد تطلع نفسها و تنزلها و كترمش عيونها لاول مرة كتكون في يد رجل مجهول...بدات كتحرك رجليها على حساب اصول الرقص لي كترقص بيه مع باباها ...و هو يغير الرقصة و بدا كيتحرك بيها عكسيا تخربقو خطواتها و هي تجمعها حواجبها و نزلت كتشوف في رجليها ...و يدو في ضهرها جبدها بقوة للعندو حتى انضاغط صدرها مع صدرو و وقفت على صباع رجليها و يدو رفع بيها يدها ...و حط خدها الرطب على حنكو الخشن و شفايفو بالقرب من ودنها و هو كيحركها على حساب الرقصة ....وئام بداو غير تنفساتها الصغيرة لي كيتحدثو و قلبها فوق صدرو الحديدي كيخفق و مخرجة عينيها

هو فاتح عينو فيها بهاد الماسك الغريب و هضر بلكنة راقية منخافضة مفعمة برجولة مصحوبة بابتسامة جانبية و كلماتو كتخرج من قضبان اسنانو  : من ليوم غادي يكونو خطوات رقصك بإيقاعي ديااالي (وئام كتموت في اليد ديالو كانها غادي تسخف هو كيتحرك بيها و فمو في ودنها حنكو كيحركو ببطئ في حنكها) حتى تنفسك غادي يتغير بالحضور ديااالي(و هي كتزيد من الحدة ديال التنفس ديالها و عينيها كيدورو ) و دقات قلبك غادي يكونو كينبضو بالاسم ديالي (دقات قلبها مبقاتش كتحس بيهم بكثرت للخفقان )

وئام فاتحة عينيها و شفايفها بداو كيرجفو : ش ش شكون نتا ؟ .....الكل بدا كيتخابر عليهم في صمت و نساء ديرين قفزات و مغطيين الافواهه ديالهم بيدهم كينقلو الخبر لبعضهم و فاتحين للعيون ديالهم في المشهد لي قدامهم

الريكس كان هاز الكأس ديال النبيد ديالو و بشبه ابتسامة ملامحو جامدة كيهضر مع هاد الرجال ديال الاعمال ....المرءة العجوز الجميلة بابتسامة ميلت راسها و هزات حجبانها و هي كتشوف الاميرة كترقص مع داك الشخص و هي تحول عينيها للريكس بابتسامة جانبية : كنظن