💀هوسي بإبنة عدوي 2 💀
👑oumaima mega👑
🎭495🎭
خارج اسوار الحفل .... وصل لجميع رجال الريكس بصفة عامة خبر وجود الاركس في المكان ...كانو البنايات المقابلة للبناية ديل الحفل معبئين بالأسلحة و القناصة لي مصوبين بنادق القنص ديالهم اتجاه البناية ....و لي هيليكوبطير الفوق حتى هما فيهم رجال مأهبيين الاسلحة ديالهم ....و الشارع السفلي كولو مطوق بالرجال المتسلحييين ... من الرأس ديال الشارع لأيمن حتى لأيسر مكينش فين يدخل اي شخص ...و مستعديين لأي هجووم غيجيهم من العدو .....و حتى لمعسكر ترسل ليه اشعارات باش يجيبو القوات ...و نزار الظل الاحمر ...كيسوق بوحد السرعة هائلة هو والكتيبة ديالو و هو باتصال مباشر مع الريكس
في الممر و امام الحائط الزجاجي ....الريكس موجه السلاح ديالو لرأس الاركس ...و من بعدما قاليه ديك كلمات الوداع الفظة المستهزئة لي فيها نبرة السخرية ....هز الحاجب ديالو فيه ...حتى كيستشعر من حدسو اللعين ...شي حد غينزل عليه من فوق رأسو ...في جزء من الثانية هز راسو ...و كان حدسو الاجرامي دائما صحيح و مكيخطأش ...رجع خطوة للور و هبط قدامو واحد من رجال لأركس و هز عليه السلاح ... معقلش عليه الريكس شد اليد لي غتجرأ تهز السلاح في وجهووو و كردها بيد و بالسلاح ديالو فجر ليه دماغو ... حتى طاح في الارض غريق في دمائو ...و هز عينو للآركس و لكن كانت الصدمة لي فجرت تعابيرو على وجهو ....هو كيشوف عدووو المقنع المجهوول كيختارق الحائط الزجاجي بدراعووو و تلاح من فوق ناطحة السحاب .....هز الفردي باش يشوتي عليه و لكن رصاصة ضاعت في الفراغ حيت تأخر بنصف ثانية ....و مشا الريكس بسرعة وقف على الحائط الزجاجي لي تكسر الاشلاء بسباب الدفعة القوية ديال الآركس ....و كيشوفو نازل في الهواء على ضهروووو و طالق يدووو و تزامن مع اطلاق الالعاب النارية في السمااء ....فحال شي عرض لمجنون
الآركس فيه القليل من الخدوش بسباب الزجاج و عينو من تحت القناع على الريكس ...و ابتسامة الانتصار على شفايفوووو و باعلى صوت : بسلااااامة الريييكس ههههههههه ....و رجع راسو كيضحك بهستيرية فحال شي مجنون فاقد الاحساس بالخوف كليا من الموت ....الريكس كان كيشوف فيه بصدمة على ملامحو المتوحشة و ضرب يدوو جنب : هااااد زاااا*ل ....خرجهاا بيين سنانووو و كيشوف الى كان غيستخدم شي مضلة ....حتى من القناصة صدمهم العرض المفاجئ خاصة الالعاب النارية لي طلقو فحال الانفجار في السما شتت ادهان الكل ...و يلاه غيأهبو الاسلحة ديالهم ضدو حتى بداو كيخرجو من نوافد البناية ديل الحفل اشخاص لابسين الاسود و بلي ماسك كيتسلقو في الزجاج ...فحال الجراد الاسود ....و الآركس غمض عينو كيضحك بهسيترية ....الريكس كيشوف في هاد الهراء و هو كيغزز سنانو وعضلاتو كيتصلبو وعروقو مكونة شبكة بارزة من عنقو للسداسية بطنو شنو هاد العدو هادا لي قفز بنفسو من اعلى لبناية وهو كيضحك ...هو يجيه اتصال من رجالو السفليين ...بلي دخلووو سيارات بالاسود من الجهتين ديال الشارع ....و كيطلقو النار على لييي كاارد بلا حتى توقف كيستخدمو رشاشات رصاص ...تما الريكس تحول للوحش و انفاجرت نيران الجحيم من نيفو و صدرو كيطلع وينزل لشدة غضبو و تعابيرو كينقابضوو بقوة ....رجالو يلاه وصلو عليه من اللور ....هو يستديير بسرعة غادي يمشي يهبط لمووو لتحت مستحيل يخلييه يفلت
أنت تقرأ
هوسي بإبنة عدوي الجزء الثاني (رواية بدارجة المغربية في طور الكتابة +18 )
حركة (أكشن)(ممنوع النشر او الاقتباس أو النقل أو الطبع سواء الكترونيا أو ورقيا إلا بتصريح خاص مني ....و جميع الحقوق محفوظة من قبل التطبيق و اي تشابه في اي فكرة من افكار القصة سيتم ازالة للحساب رسميا ) #ملخص لاعبها في المهد و هو خطيب والدتها ....و اقسم هلى تبني...
