💀هوسي بإبنة عدوي 2 💀
👑oumaima mega👑
🎭517🎭
و هي كتمشى خارجا و كتغير مدارات عيونها على المكان لي كان خالي جدا و فيه غير تلاميد كيتمشاو ... و متوجهة الباركينغ الخاص بالسيارات ...تزامن هادشي مع خروج شرف من المدرسة ...و هو كان غادي لباركينغ الخاص بالاساتدة ....حتى كيلمحها كتمشى بتاسم و غير الوجهة ديالو لعندها ...ياخد فرصة ....حيت سيادة الدئب الاسود مكينش .... و خلاها فريسة لاطماع الاخرين
وئام كانت متوجهة لمجموعة ديال سيارات سوداء لي محوطينها رجال الاركس من جميع الجهات ....و مفتوح ليها لباب ...شرف قوس عينو فاش شافها متاجهة لعندهم و وقف مكانو ....و وئام قدامو كتفكر واش تمشي لدار دابا ولا تمشي لعندو تشوف ...كمشت وجهها بقلق طبعا من المستحيل تمشي لدار و هي بهاد القلب لي كيألمها من جيهتو مغاديش ترتاح غادي تمشي لعندو ...دخلت للسيارة ديالها من الخلف و تسد بعدها الباب ...امام انظار شرف لي تصدم من هول المنظر و الحراسة المشددة ...رجع ادراجو و ابتاسم جانبيا الامر كيولي اكثر اهتمام اتجاه هاد الجميلة المراهقة ....و انساحب من تما
وئام طلعت للسيارة و حطت الساك ديالها جانبا و تقدمت شوية جيهة للامام ...باش تهضر مع السائق و الكارد لي حداه
وئام : بغيت نمشي عند اصلان ...دارو عندها نصف دورة و شافو في بعضهم و وحد فيهم ميل راسو ليمين و لملم بشفايفو ... و وئام خاشية عينها معاهم حيت متلقات حتى رد من عندهم
وئام و هي كتحول راسها بيناتهم : واش سمعتوني
السائق دار نصف دورة و حرك ليها راسو بالايجاب ...على حساب تعليمات لي جاوه ....و هي رجعت جلست و دورت راسها للزاج كتشوف فيه و قلبها كيحتارق باحساس رهيب ديل لقلق وحواجبها مرفوعين برأفة .... كتمنى غير يكون بخيير هادا هو لاهم بالنسبة ليها ... قلبها بدا ينبض بالالم فاش سمع هاد الترجي ... و هي كتراقب الطريق و كتحسب الوقت لي غتوصل فيه ...بعد بضع دقائق وصلو للغابة الخاصة ...ودخلو في داك الشارع الخالي الطوييل و مرو على الجبل لي مغطي على البقعة السوداء .... حتى اقتاربو من البحيرة و خففو من السرعة ديال السيارات حتى وقفت ...و فتحو ليها الباب ...خرجت وئام كتسنشق الهواء من هاد المكان لي بنسبة ليها ولا متنفس اكثر من قصر الريكس بنفسو ...خلات الساك ديالها و كاع مقتنياتها في السيارة ...و خرجت كتمشى في الجيهة ديال الباب ديال الفيلا ...و على وجهها القلق و كتدعي بادعية مبجلة باش يكون حبيبها بخير
لاس كان داخل الفيلا واقف الوسط كيشوف في درج الفيلا ...و عاقد حواجبو و وجهو بارد متحجر و باين على ثناياه الغضب ...و داير يدو في جيبو....معرفش شنو جات كدير بنت الريكس دابا كفاية شنو وقع لبارح بسباب باها ...و بسبابها هي خسرو شحال من حاجة و ضاعت ليهم خطة كان الريكس يقدر يكون فيها دابا في المستشفى ... حتى كيلمحها وسط السواد طالعة بشعرها الاشقر ...تما حيد يدو من جيبو و ربع يدو كيتسناها بوجه اقسى من الحجر
وئام طلعت بمجرد ما لمحاتو ابتاسمت في وجهو و كيف العادة اللعنة ديل جمالها وسحرها كتحول جهنم السوداء للجنة بوجودها و تمشات لعندو : سلام سنوبيي
لاس وجهو متحجر ونضراتو كطاير منها سعير الغضب في اتجاه بنت الريكس و بصوت شجي وقاسي : شنو كديري هنا ا انسة وئام ؟
أنت تقرأ
هوسي بإبنة عدوي الجزء الثاني (رواية بدارجة المغربية في طور الكتابة +18 )
Acción(ممنوع النشر او الاقتباس أو النقل أو الطبع سواء الكترونيا أو ورقيا إلا بتصريح خاص مني ....و جميع الحقوق محفوظة من قبل التطبيق و اي تشابه في اي فكرة من افكار القصة سيتم ازالة للحساب رسميا ) #ملخص لاعبها في المهد و هو خطيب والدتها ....و اقسم هلى تبني...
