هوسي بإبنة عدوي الجزء الثاني (رواية بدارجة المغربية في طور الكتابة +18 )

78

💀هوسي بإبنة عدوي 2 💀
👑oumaima mega👑
🎭361🎭

الاركس انقابضت حواجبو و هو داير يدو في جيبو و كيتمشى لعندها بخطوات مخملية : وئاام
وئام وصلت حدا لباب و حلاتو و دارت من موراه و ميلت راسها شادة من الجوانب ديال لباب و كطل على لاركس بعويناتها الزمردية لي كتبان من تقويستهم انها مبتاسمة ...الاركس وقف للحظة كيشوف فيها وهو مقوس عينو شنو بغا تدير بضبط ....وئام كترفرف برموشها بابتسامة زوينة باغا تلعب مع حبيبها متناسية انه في الاربعينات من عمرو و هي تخبا من مور لباب و مشات كتجري في لممر باش تتخبا منو و تخلق جو زوين ...اركس استغرب منها ولكن عارفها غترجع لعندو حيت معندها فين تمشي

وئام مشات خارجة من الممر كتزرب في مشيتها و تدور من موراها كتبتاسم اكيد غادي يتبعها او شي حاجة من هادشي خرجات من الممر و رجعت عينيها للامام لي توسعوو في لحظة لمحها للاس و هو كيتمشى قدامها بقوام ضخم
وئام توجهات للعندو و تبسمات : سنووووبيي
لاس كان كيتمشى بشكل عادي حتى وقفو صوتها الشبيه بالدميات و هي كتناديه بسنوبي وقف و عقد حجبانو و دار عندها شافها جاية للعندو و عينيها عليه كتبتاسم و طلعت يديها دارت ليه باي باي : هاي سنوبيي
لاس كيشوفها غير مجرد بنت عدو ديالهم لا اكثر تجاهلها و دار فحالو خاشي يدو في جيبو مكمل طريقو ....وئام حسات انها تقمعت و نحات بسمتها و بقا فيها الحال شوية ولكن خاصها دير هادشي خدات نفس و تبعاتو كتحاول توصل عليه و كطل عليه و كتهدر : اكييد باقي عاقل على سميتي ا ا انا وئام غيكون قاليك أصلان عليا (لاس عاقد حواجب و مكمل في طريقو و مصدعاه بزاف دخل في احد الممرات و هي تابعاه و كتهدر كتحاول تخلق معاه حوار و كتهدر و تشبك يديها و تطلقهم ) اناا كنقول ليك سنوبيي باش تكون علاقتنااا مزيانة حتى لمن بعد ونقول ليك على لقصة ديل هاد لاسم ... لاس وقف وقفة مفاجئة و دار بزربة عاقد حجبانو و خرج فيها عينو بوحد شكل كيدخل في النفوس الرعب كانه غادي يقتلها وئام وقفت بدورها و ارتعبت من انظارو لحادة عليها لي ماشي قدها ...بمنتهى البراءة رجعت شوية للور و بدات كتهدر بشوية و كتكمل هدرتها : و و و منبقاوش ن ن نخنزرو في ب بعضايتنا ف فحال ه هاكا حيت ك كتخلعني ...لاس قلل من حدة انظارو شوية كتبان صغيرة بزاف على اسم بنت عدو و بريئة بزاف هو ممتعودش على خصوم بهاد الضعف و لا على كلمات لطيفة مهدبة بهاد الشكل ...دار مرة اخرى عطاها بضهرو بلاما ينطق كلمة وحدة ...وئام من موراه مزيرة على يديها و فعلا خوفها منو بزاف كانت كتدعي في سرها باش ميدير ليها والو حتى دار فحالو عاد رجعت انفاسها و ضغطت على راسها و تمشات من موراه خاصها ضروري تكسبو : س س سنوبي (لاس غمض عينو و رجع حلها مكمل طريقو ) كنتمنى توافق باش تولي علاقتنا مزيانة و نتعرف عليك كثر من هاكا ....لاس وصل لوحد الباب بالاسود و وقف و حلو و دار عندها عديم لملامح فاتح ليها لباب...وئام وقفت و سكتت تتشوف فيه و تطل في لباب مفهمتش شنو باغي بضبط ....هو يحرك ليها يدو و هز حاجب بمعنى دخلي ...وئام رمقاتو بهدوء معرفتش شنو في هاد لغرفة لي فتح ليها باباها و لكن هي كثيق فيه حيت هو صديق آصلان و ميمكنش تكون بلاصة خايبة