💀هوسي بإبنة عدوي 2 💀
👑oumaima mega👑
🎭514🎭
وئام اعتدلت في الوقفة و هي موسعة عيونها في لوتشي وسرطت ريقها وبدات كترمقها بنضرات حذرة ونطقت بتوتر : امم غير حم غير اصلا كنقصد مسيو ماركل عطانا شي هوم وورك و قالينا نجيبوه ليه لمكتب ...و عضت شفاهها البرائة الطاغية على وجهها كتحميها و كتحمي كدباتها
لوتشي تبسمت بسمة جانبية : مسيو ماركل مغاديش يجي ليوم (و دارت يدها من موراها و وقفت بالمقابل ديال وئام و عينيها في عينها ) شنو ا انسة وئام مبقيتش كنشوف نشاطتك المشاغبة يكما العقاب ديال مسيو ماركل نفع معاك
وئام حتى هي مكتخافش منها تبسمت ليها و بدات كتملقها : مدام لوتشي انا مدرت والو و مكندير والو و داك العقاب تقبلتو حيت نتي لي بغيتيه وانا كنحتارم جميع قراراتك
لوتشي ضحكت باستهزاء حيت دازو عليها اجيال مغاديش يخفا عليها تملق هاد المراهقة : المهيم انا راه ديرا عيني عليك ا انسة السمري حضي راسك ....و حركت عينيها للمكتب اصلان كتشير ليه وئام وسعت عيونها بالصدمة و فهمت المقصد ديالها ... حيت معروف في قوانين المدرسة انه من المحظور تكون شي علاقة كتربط بين لاستاد و تلميدة من غير الدراسة طبعا و العكس كدالك حيت ديك الساعة كيحضرو حتى اولياء الامور
وئام : كنعتادر منك ا مدام لوتشي عندي حصة دابا
لوتشي : طبعا ا انسة تفضلي و متنسايش الهضرة لي قلت ليك راه اخبارك كلها كتوصلني ....وئام حنات راسها و مشات تجاوزتها و وجهها شاحب فحالا نعادم فيه لون الدم هاد لوتشي منين خرجت حتى هي ...الى مشات حتى تكشفت علاقتها باصلان هي عارفاها شريرة و تقدر تقولها لوفاء بلاما تفكر ...و تما غايبدا الرعب الحقيقي الخاص بجزء وفاء
في مدرسة لوتشي الاعدادية ...كان انور كيتمشى و في يدو الهاتف كيتصفحو و معاه سعد لي كان داير يدو في جيبو و كيجولو المدرسة و هما طوال القامة بحكم انهم لاعبي الباسكيط و عندهم شعبية خاصة في السكول و حتى بين الفتيات ...سعد دور عينو كيلمح خروج هايا و روز كيهدرو و كيضحكو و كيتعرفو على حياة بعضهم الشخصية
سعد هز غير الاصبع ديالو و عينو عليهم : انور وحد دقيقة انا جاي ...و خلاه و مشا انور وقف و هز عينو فيه و تبعو فين غادي لقاه كيتوجه لعند هايا و روز هو يرفع حاجبو فيه
هايا لمحت وسط حديثها سعد جاي لعندها في تعبيرو لبشاشة ...وقفت هايا و وقفت حداها روز غير شافتو جاي لعندهم و هي تخشا من مورا هايا بحكم شخصيتها الضعيفة مكتخليهاش تحتك بلي مكتعرفهمش
سعد : سلام هايا (مد يدو لهايا لي سلمت عليه و دار عند روز حنا ليها غير راسو كتحية و كاحترام حتى حد ماكيتجرأ يقيس شي حاجة في ملكية الريكس 2 ) سلام ...روز وسط خجلها ردت عليه
هايا استقبلاتو بابتسامة : سلام سعد لباس
سعد : صافا بغيت غير نعتادر ليك على لبارح مكانش في قصدي تشوفي داكشي
هاية : مكينش علاش تعتادر بلعكس نتا عاونتيني شكرا ليك بزاف
سعد تبسم ليها : انا فرحان حيت بنتي ليا بخير ...هايا بابتسامة : ااه انا بخير شكرا ليك بزاف
سعد : نخليك دابا خاصني نمشي من بعد و نهضرو ....و استدار مشا راجع فحالو
روز : واش هادا هو لي عاونك باش تمشي لتما
هايا دارت عندها : اااه هو و سميتو سعد هو لي قالي على فين كاين انور و كلشي
روز : و هاد المرة لا قالك نمشي معاكم واخا ؟
هاية : صافي فينما كان غادي يمشي وعد غادي نقولها ليك
روز وسعت عينيها : لا ا هايا فهمتيني غلط انا معندي حتى علاقة بوعد
هايا ضحكت و دارت قدامها : ههه عرفت معندكش علاقة بيه ...روز نزلت عينيها كتخجل تشارك حبها هادا السري الا مع وئام طبعا
أنت تقرأ
هوسي بإبنة عدوي الجزء الثاني (رواية بدارجة المغربية في طور الكتابة +18 )
Acción(ممنوع النشر او الاقتباس أو النقل أو الطبع سواء الكترونيا أو ورقيا إلا بتصريح خاص مني ....و جميع الحقوق محفوظة من قبل التطبيق و اي تشابه في اي فكرة من افكار القصة سيتم ازالة للحساب رسميا ) #ملخص لاعبها في المهد و هو خطيب والدتها ....و اقسم هلى تبني...
