💀هوسي بإبنة عدوي 2 💀
👑oumaima mega👑
🎭37🎭
وعد مغمض عينو و كيحس بشفاهها فوق فمو ...احساس فحال السحر كيتدفق في الداخل ديالو ...عكس روز لي كانت فحالا ممتيقاش شنو واقع دابا ... رجع باللور و حل عينو ببطئ كيشوف فيها ... و كيترقب رد الفعل ديالها ...روز في لحظة فقدت السمع ديالها و بدات كتكمش التعابير ديالها و تعقد حواجبها و هي تهز يديها في لحظة و نزلت بقوة على خد وعد بضربة ...حتى حول وجهو شوية و غمض عينو وحواجبو منقضة ...و هي ناضت من مكانها كتخنزر فيه بدون ماتنطق كلمة و انفاسها كينافسو اصوات الامواج الهائجة ... و استدارت بسرعة و حطات يدها على فمها و قلبها كيخفق ... و وعد بقا في المكان ديالو مزير على القبضة ديالو حتى خرج منها العروق الدموية و هو مكمش الوجه ديالو ومزال مغمض عينو
في الفيلا ديال الآركس ... كان باقي جالس في المكان ديالو بنصفو العلوي العاري و بشكل وحيد ...و قدامو باقايا سجائر ...و بين الانامل ديالو سيجار و هو كيقربو للشفاه ديالو و عاقد حواجبو شخص كيتمتع بالعصبية السريعة ...و كينفت الدخان ديالو و عينو ماكتشوف غير ديك الصغيرة و حركاتها لي كتصدو ...زير على الاسنان ديالو و طلع لإبهم ديل اليد لي فيها السيجار وحطو فوق لجبهة ديالو وهو كيفكر في شي حل يخلي دعصوقة ديل وئام توقع في شباكو ...كنضن انه استهان بالصغيرة ديال الريكس ...قرب السيجارة للفمو و شفط منها شوية
في الغرفة ديال وئام ... دخلت لعندها روز و هي مفعمة بجرعة مضاعفة من الغضب ...و وجهها غادي ينفاجر بالحمرة و عضلة قلبها كتخفق بشدة ... و هي كتعكس وقوف وئام و هي شادة الهاتف ديالها و كتجبد في عينيها و كتلملم بشفاهها فحالا كتلقي شي تعويدة سحرية وهي كتحفظ في رقم ديل لاركس
روز عاقدة حواجبها و بدات كتهضر بطريقة عصبية : وئااااام (وئام خرجت من شرودها بشهقة و هي كتشوف في روز لي بدات كتطير و كتنزل قدامها ) القبلة الاولى لي كنتييي كتهضرييي علييهاااا خداااها وعد ... عينيها حمارو كانها غادي تبكي
وئام غيرت التعابير ديالها باستغراب : شنو علاقة القبلة ديالي الاولى بوعد
روز رجعت شعرها باللور و اقتربت من وئام كتخرج فيها عينيها : وعد وعد ا وئام باسني في فمي
وئام تدريجيا كتحول تعابيرها للصدمة و نزلت حواجبها : وعد ؟
روز عينيها مجبدين فيها وتعابيرها باكيين: اااااه مكانش خاصني نخليه ياخدها ...و كمشت وجهها و بدات كتمسح في فمها
وئام باقا على حالة الصدمة كتشوف فيها : ولكن ميمكنش انا كنعرف وعد مزيان ميمكنش ليه يدير شي حاجة فحال هااكا... و هي كتحول عينيها في روز لي طارت للحمام باش تغسل فمها و خلات وئام في شرود آخر سميتو وعد ...لي معروف عليه بالآخلاق و اللباقة و النبل الخاص ميمكنش ليه يدير هاد تصرف...غسلت روز فمها و خرجت لعند وئام لي جراتها من بعد كتخرج فيها عينيها و كتسولها على كيفاش وقع هادشي ولخرا كتعاود ليها وهي معصبة ووئام كتحاول تهدن فيها
روز وعينيها مغرغرين بدموع :شنو غندير دابا ا وئام مشات ليا لقبلة ديالي لاولى
وئام كتشوف فيها وهي منزلة حواجبها :روز متعتابريهاش صافي ونسايها حيت نتي مبغيتيهاش ادن راه ممحسوباش
روز عاد بدات ترجع فيها شوية روح وكتحاول تحبس لبكية :واش بصح يعني هاد للقبلة ممحسوباش
وئام:لا ممحسوباش اجي نقول ليك انا بعدا شنو وقع ليا فاش مشيتي
روز نزلت حواجبها بفضول :شنو وقع
وهي تبدا وئام تعاود عليها على الآركس ...ومشاو غرقو في موضوع آخر ...حتى وصلو لمعاد النوم و تخشاو في السرير ديالهم و كل وحدة شدات جيهة من النوم و عيونهم مفتوحة ...روز كتفكر في قبلة من شخص غير مرغوب فيه و وئام في رجل تطفل على حياتها بطريقة غريبة
أنت تقرأ
هوسي بإبنة عدوي الجزء الثاني (رواية بدارجة المغربية في طور الكتابة +18 )
Action(ممنوع النشر او الاقتباس أو النقل أو الطبع سواء الكترونيا أو ورقيا إلا بتصريح خاص مني ....و جميع الحقوق محفوظة من قبل التطبيق و اي تشابه في اي فكرة من افكار القصة سيتم ازالة للحساب رسميا ) #ملخص لاعبها في المهد و هو خطيب والدتها ....و اقسم هلى تبني...
