💀هوسي بإبنة عدوي 2 💀
👑oumaima mega👑
🎭60🎭
تفتحت عينو الخضراء للثانية و رجعت لحجمها الطبيعي و ناض بجلسة مستقيمية بطيئة و عضلاتو الصدرية كتنقابض و ترجع للحجمها الطبيعي كتعبر على مدى تأثير صوتها عليه مكانش متوقع انها غتجاوب...و دار كيشوف في لاس و احرف الملامح ديالو تعالات فيهم تعبير دهشة ... لاس غير كيشوف فيه كيف تغير من بعد ما جوبت على لإتصال
الآركس رجع الهاتف في الادن ديالو و شبك حواجبو و على شفايفو حركة الابتسامة المخفية : وئام ؟
كانت هاد المراهقة داخل الحمام الخاص بالغرفة ديالها و سادا عليها الباب تخوفا من الدخول السريع ديال وفاء لي معتادة انها تدخل بدون اي استإدان ...و هي واقفة أمام المرآة شادة الهاتف في ودنها و بيدها الثانية كتلوي خصلاتها الدهبية بالاصبع ديالها بقات ساكتة و عاضة شفايفها و كتحاول تخبي الابتسامة ديالها من نفسها خجلا : امم مسيو آصلان ... و كتحرك عيونها يمين و شمال بتوثر حيت اول مرة ليها يكون عندها رابط مع شي رجل من غير لاب ديالها
الآركس بصوت خشن و بنبرة تسائلية و الابتسامة الخفيفة على الملامح ديالو كتعبر على الاستغراب ديالو: وئام هه شنو لي خلاك تجاوبي ؟ واش على قبل داكشي لي وقع الصباح ادن كان عليا نديرها من شحال هادي باش نخليك تجاوبيني ...لاس كمش وجهو باستغراب حيت معارفش بموضوع لقبلة
وئام وسعت عيونها الزمردية و نزلت الابتسامة ديالها و زيرت على يديها و الحرارة كتزيد تشتاعل في داخلها معجبهاش الرد ديالو : ش شنو كتقول ا مسيو آصلان كيفاش قدرتي تفكر بيا هاكا على العموم شنو بغيتي انااا جاوبت غير باش نعرف شنو بغيتي مني ؟ (كتحاول ترفع راسها و تحرك يديها باش تبرد الاحتباس لي تمركز في خدودها )
الآركس تنهد بصوت قوي تسمع من حولو كانه كان حمل على عاثقو لي هو الصمت ديالها و رجع على الفوطوي بملامح باردة : بما انك جاوبتي غادي نستغل هاد الفرصة بغيتك تخرجي معايا
وئام صغرت عيونها و مزال جوفها مبردش من كبريائها لي دعس عليه برد ديالو و عضت شفاهها : كيفاش؟شنو تصحبني امسيو اصلان سمح ليا ولكن كنضن انك نقزتي المراحل بزاف(كمش الحواجب ديالو بطريقة حادة )وانا مشغولة دابا ومعنديش لوقت لهاد لهضرة نخليك ...حيدت من الودن ديالها الهاتف و طفاتو ....يدو المبسوطة لي كانت فوق الفوطوي بدا كيجمعها و كيكمشها بشوية ... بالموازاة مع المعدل ديال الاعصاب لي كيطلع في الجسد ديالو💀هوسي بإبنة عدوي 2 💀
👑oumaima mega👑
🎭61🎭
و هو كيسمع صوت انقطاع الهاتف في ودنو ... بدا العصب كيتكلد في عينيه و تشعب ديال عروق الجبين ديالو كيزيدو يتكاثرو ...و انقبضت ملامحو بالشكل للحاد ...و نزل الهاتف ديالو من ودنو
لاس هز فيه الحاجب ديالو و هو كيشوفو كيتغير : شنو وقع ؟
الآركس بدون مايدور للعندو و بصوت جاف : قطعت ...لاس شداتو الضحكة و حاول يجمدها ...دار للعندو هاد الخبيث بسرعة و رسل ليه نظرة كتبرز على الغضب ديالو الشديد : لااسسس
لاس حاول يرجع للتعابيرو و طلع راسو كيشوف فيه : كنعتادر ...الآركس كيقرا حركات وجهو لي على وشك انها تبتاسم و هادشي كيزيد من حدة العصب ديالو ...زاح بعينو بعيد و كلماتها البريئة المفعمة بالجرءة كتردد في للآدان ديالو ...ناض من المكان ديالو و عطاه بضهرو و هو كيتمشى بخطوات رزينة كيتردد صداها على الجدران ... خشا يدو في جيبو عندو امور مهمة في هاد ليل لي كيتعتابر الملعب ديال هاد المتخفي مغاديش يبقى يضيع وقتو مع طفلة جميع انواع الدلال جربتهم فيه ...توجه مباشرة للاحد مداخل هاد الفيلا و الوجهة باب مغلق معندوش مفتاح بضعة خطوات حتى وقف أمامو رفع اليد ديالو و حطها عليه و فتحو بطريقة بطيئة ...كتضهر الاضاءة الداخلية للغرفة حمراء قاتمة فحال للون الدم ... دخل خطوة ليها كيتمشى ..و ميل راسو يمين و شمال كيطرطق العظام ديالو وهو كيتمشى ببطء ... و كيشوف قدامو....كان جناح خالي تماما جدرانو معلق فيها المئات ديال الاقنعة المخيفة كيشبهو لوجهو لي منعدمة فيه الروح و الشفقة ...ثلات خطوات منتاضمة و توقف و استدار قدام احد الاقنعة ديالو
أنت تقرأ
هوسي بإبنة عدوي الجزء الثاني (رواية بدارجة المغربية في طور الكتابة +18 )
Acción(ممنوع النشر او الاقتباس أو النقل أو الطبع سواء الكترونيا أو ورقيا إلا بتصريح خاص مني ....و جميع الحقوق محفوظة من قبل التطبيق و اي تشابه في اي فكرة من افكار القصة سيتم ازالة للحساب رسميا ) #ملخص لاعبها في المهد و هو خطيب والدتها ....و اقسم هلى تبني...
