هوسي بإبنة عدوي الجزء الثاني (رواية بدارجة المغربية في طور الكتابة +18 )

106

💀هوسي بإبنة عدوي 2 💀
👑oumaima mega👑
🎭483🎭

مايا هازا كأس ديالها دارت عند جبر حداها و قلبت عينيها لهيه
جبر شرب رشفة من الكأس و تبسم : ولكن ممعروفش عليه بزاااف تقدري تقولي انسان غامض و حتى من اعمالو معروف غير بعضهم يعني يقدر يكون هدف خطيير و بلاما تسناي مني نعتقك فحال كل مرة كتوحلي فيها
مايا رجعت فيه عينيها و عقدت حجبانها : انا ممحتاجاش المساعدة ديالك ا جبر ....و دارت حطت الكاس ديالها ...و جبر حتى هو حطو بالهداوة و تبسم جنب : نتي والو بلا بيا ...مايا خرجت من داك الهدوء لي كانت فييه و بغات تخلييه و تمشي ...غير زادت قداموو بخطوات حتى شد من يدها و رجعها لعندو بقوة حتى لصق ضهرها مع صدرو و شد من خصرها
مايا بغات تحرك هو يهدر في ودنها وهو كيشوف في الناس لي تما : شششش الناس كيشوفو (مايا دورت عينيها في اغلب الحضور و كاين منهم لي منتابه ليهم ) أجيي معايا ...و حرك يدو من خصرها باحتكاك و داها لضهرها و زيدها معاه للحلبة الرقص ...مايا تهيا مشات معاه ...بين الناس حتى وصلو لفين كيرقص كولشيي ....دخل بمايا تما و شد من يدها و طلعها لفوق و شد من خصرها و بدا كيتمايل معاها على ايقاع الموسيقى الكلاسيكية الهادئة ...و مايا كترمقو بانظار قاتلة

جبر تبسم جنب حتى ضهرت الغمازة: الريكس السمري هو رجل اعمال عندو الفلوس بزاف و ثروة ديالو مكتقدرش حيت بكل بساطة مقدرووش يحسبوها (طلق من خصرها و دورها من يدها دورة على نفسها و رجعها لعندو ) غيكون هدفك زوين بزاف الى قدرتي تشديه و بلاما تحاولي تمثلي راسك قوية قدامي حيت كيفما طلعتك نقدر نهبطك
مايا انفاسها هائجة و حاطة يدها على كتفو و كلها كتشعل بالغضب : نتا لي دمرتينيي و انا مغنحتاجش المساعدة ديالك فحتى شي حاجة
جبر تبسم بخبث وهو كيشوف فيها و رجع دورها في الهواء برقصة و رجعها لعندو : خاصك تركزي  في الهدف ديالك الى تشد ليك غيكون ضربة كبيرة لينا و الحصة ديالي غتكون 50% كيفما العادة و ديك الساعة غادي نكون جاهز باش نعاونك فوقتما بغيتي ا انسة مايا (مايا عينيها كيلمعو بوحد الحقد و الغضب و هي كتشوف في جبر وهو يدورها برقصة للمرة الثالتة و رجعها هاد المرة من للور حتى ضهرها جا متسطح مع صدروو و شد من خصرها و يدو الثانية حط صبعو على خدها و دور وجهها لعندو حتى نيفها جا على نيفو ) شنو بان ليك نكملو سهرتنا في بلاصة اخرى ا مايااا ههه .... و ميل وجهو باش يبوسها في فمها و هي تنفض من يدو و ضرباتو بكتفها و كلها كتغييض و انفاسها كتنفر الغضب و الغيض ....و دارت كتمشى مخلياه تما و عاصرة قبضة يديها ....و انفاسها مخربقة خاصها تقادهم خاصها ترجع لهدوءها و قوتها خاصها تكون ديك المرأة الصلبة ....و هي كتمشى بين الناس لمحت الريكس ....و بدات كتبطأ من خطواتها ...و هي كتشوفو بمنتهى العضمة و الهمة ديالو شاد وفاء من خصرها لي كيتمايل بين يدو و حاط جبهتو على جبهتها...و كيستنشق من انفاسها لي يكفيوه يعيش و مغمض عينو فحالا غير هو وهوسو لي كاينين في هاد الارض ....و وفاء حتى هي غاصت في بحر انفاسو ...مايا كتشوفو فعلا هدف زوين بزاااف لي تقدر تكون بين يدو مكانها ....و تمشات لجيهتهم و دازت من ورا وفاء و طلعت عيونها فحال شي قطة كتغازل الريكس ...و دازت فحال ريح الخالية من رمال