هوسي بإبنة عدوي الجزء الثاني (رواية بدارجة المغربية في طور الكتابة +18 )

89

💀هوسي بإبنة عدوي 2 💀
👑oumaima mega👑
🎭422🎭

وئام كتشوف في الريكس و عينيها مجبدين الخوف ختارق قلبها الصغيور ونتاشر فيه و هي كتشوف الريكس كيف نطق اسم حبيبها بطريقة عصبية ...بدات كتفكر في افكار سلبية خاصة فاش حرك عينو تيشوف فيها ....كتقول صافي داديها عرف كلشي عليها و على حبيبها ....وفاء و وعد و وثب رجعو بشكل عادي
الريكس شاف في وئام كيف تخطف وجهها ...دار من موراه باش ما يخوفش اميرتو : انا غنجي دابا لمعسكر ...وئام كطل عليه ....الريكس قطع و دار عندهم و رسم شبح ابتسامة ...و تمشا للعندهم وئام كترمقو بنظرات بريئة و بتعابير رحيمة
الريكس : اميراتي (وفاء طلعت فيه عينيها و حط يد على خد وفاء و الاخرى على خد وئام ) خاصني نمشي دابا
وفاء تبسمت وحركت ليه راسها عارفة طبيعة عملو الليلي ...و وئام بقات ساكنة متحركتش ...و الريكس حرك عينو و تجاوزهم بسرعة غادي كيتمشى على برا ...وئام سرطت ريقها و دارت معاه ...و رجعت دارت كتشوف في لارض و كمشت وجهها هي سمعت اسم الاركس من ثغر شفاهو
وفاء : شوفي واش هادشي مزيان دابا
وئام دارت لعندها : وفاء انا غادي نطلع لفوق لبيتي و نرجع لعندك ...و ناضت
وفاء : وئام وئام اجييي متخلينيييش هاكااا ....وئام كتمشى بخطوات سريعة لسانسور

فلاش باك 👣👣....في وحد الطريق طويلة و مظلمة و خالية الصوت لوحيد لي كيتسمع فيها هو صوت سيارات فحال شي سباق ...كانت الكتيبة الخاصة بنزار ...كيف عادتو ظل الريكس كيسوق في وحد الهدوء ...حتى كيبان ليه ضو بعيد وصغير طاير في السما و جاي لجيهتو ...نزار كمش وجهو باستغراب حتى كتوضح ليه هيئة طائرة صغيرة كحلة ضوها جاي لعندو بسرعة كبيرة...خرج عينو و هو يتخشا بقوة في زاج طموبيل لي كان مثيين و قوي ...و نزار حول وجهو جنب و فرانة السيارة حتى وقفت...و طارو غير شوية الشضايا ديال الزجاج ....لي كارد كلشي حبس تمااا و خرجو بزربة مخرجين اسلحتهم مأهبينها ...نزار دار شاف في الطائرة و كمش وجهو وخرج
الكارد جا لعندو : مسيو نزار واش نتا بخير
نزار كيشوف في الطائرة : شنو هادشي ...نزار عارف انها مايمكنش تجي عبثية بهاد الطريقة
الكارد : تقدر تكون شي مفجر امسيو انا غادي نتحقق منها ....جوج ديال لي كارد تكلفو خرجو الطائرة من تما ...كانت لاصقة فوق منها بوحد الملصق رسالة كلاسيكية بلون الابيض عليها ختم اسود ملكي فيه حرف A "رسالة الموت" ...جبدها واحد من لي كارد و شاف في نزار : مسيو فيها رسالة
نزار كمش وجهو باستغراب : رسالة تحقق منها .... جا كارد اخر دار كمامة على فمو حيت تقدر تكون فيها السم و فتح ختمها القديم الطراز...و جبد منها ورقة سوداء مكتوبة بالابيض و قدمها لنزار ...هاد الاخير لي جبد منديل و دارو على فمو ونيفو و خدا كيقرا فيها و خرج عينو لأقسا حدها و زير على نيابو
الكارد : ماشي قنبلة امسيو
نزار حيد رسالة معصب : غادي نمشيو لمعسكر دابا

في القصر ديال الريكس ....دخلت شقراء الريكس الاميرة بزربة و سدات الباب ....و مشات متاجهة للسرير بسرعة لي كان محطوط فيه ساكها ...مشات ليه فتحاتو و خدات منو الهاتف ديالها بزربة و قلبها كيخفق و حولت الرقم مباشرة للاركس