💀هوسي بإبنة عدوي 2 💀
👑oumaima mega👑
🎭173🎭
وئام كتجبد عينها و هي كتشوف في الحداء ديالو ...عضت شفايفها بتعابير باكية ...و بدات كترجع بللور بروية و صدرها كيطلع و كينزل... حتى لصقت للعند الجدار ديال المكتب و قلبها كتسمع دقاتو و هي على يقين انها غتمشي فيها ...و هي تحول عينها للارض و هي تشوف الكولة لي لصقت بيها الجهاز التصنت بالقرب من حدائو ... خرجو عيونها الزمردية فيها وهي كتضغط على شفايفها بقوة
الآركس واقف بتباث و رزانة قدام المكتب ديالو تعابيرو صارمة فحال الحجر مكتكسرش ...و التلاميد امامو لزمو الصمت حتى انفاسهم انغلقت حواجبو معقودة و هو كيدوز عينو فحال الماسح الضوئي فوق رؤوسهم كيبحث عليها مكانش عندها وجود ... ميل راسو بشكل جانبي و هضر بصوت شديد الخفوت و الخشونة : فين هي ؟ ....و هو على نفس الهيئة كيجيوه معلومات من اعوانو المنتاشرين في المؤسسة انها مخرجاتش من المدرسة .... حرك عينو بشكل لا مبالي و بالصدفة نزل عينو هما ينقابضو ملامحو هو كيشوف اظفار ملونة بالوان الطيف كتحاول توصل للكولة ...استغرب شكون هاد الفأر لي تحت المكتب ديالو
لورينات جالسين و مخرجين عينيهم فيه كيترقبو اي حركة و للاسف تعابيرو تابثة مكتغيرش ومكتوحي بحتى رد فعل فقط قلوبهم لي كتنبض و خوفهم على وئام
وئام تحت المكتب كابحة انفاسها و لاصقة عند المكتب و جلست في الارض و هي كتحس برجلها كيفشلو ليهل و كتحاول تطول يدها للكولة ..و كتسرط ريقها قطرات العرق بدات كتضهر على وجهها لجميل و كتغازل ارتباكها للحظي و صدرها غادي يتوقف ...تحرك الحداء ديالو و هي ترجع يدها للعندها بسرعة و هي مجبدة عينها في الفراغ و كتحرك بؤبؤها لي متازج مع ظاهرة الخوف لي ضهرت عليها
الآركس رجع عينو ببرودة للسطح المكتب و حرك يدو لجهاز التحكم عن بعد ...و حركو للعند الشاشة و ضغط على الزر و عينو كتحرك بين التلاميد و بنبرة بدون أي لحن جافة فحال نظراتو : بغيت اجوبة على هاد لأسئلة لي كتشوفو ... بداو التلاميذ بهدوء كينزلو رؤوسهم على دفاترهم فحال عبيد عنخمون ...كل نظرة عندو بمتابة رصاصة كتخلي تلميذ ينزل رأسو ...لورينات نزلو رؤوسهم و مزال الخوف على صديقتهم الشقراء
الآركس رفع حاجب و هو كيشوف الجميع في سكون تام ...و رجع خطوة للوراء و تبعها للخطوة الثانية ...و ميل راسو بكل ببطء كيلمح بضع خصلات شعر دهبي و حداء كعب كيحاول يختابئ من نظراتو ...و هل يخفى القمر خاصة على صائد الارواح ...انقبضت ملامحو باستغراب شنو المغزى من وجودها في هاد المكان امرها مريب ... لورينات مخرجين عينيهم كيطلو عليه معرفوش واش عرفها بمجرد ما طلع عينو رجعو نزلو رؤوسهم
وئام مزال في مكانها قلبها قرب يتوقف الزمن ديالو و عينيها فحال عقارب الساعة كيتحركو يمين و يسار مع الحداء ديالو اللعين ...الاركس نزل وحط يدو بجوج على المكتب و هو منزل حواجبو وانضارو في لاسفل مزال امرها محيرو وهو يرسم ابتسامة مخفية راقو وجودها في الاسفل ... معروف عليها كيعجبها تلعب علاش ما يخلقش معاها لعبة زوينة ...ناض على المكتب و دار يدو من موراه و صدرو خارج و كيشوف في لاسفل من الفوق و كيتحرك على الحافة ديال المكتب و كيرجع يوقف وصوت حدائو كيتسمع في لارجاء ...وئام كتسرط الريق ديالها و العرق في رقبتها و هي كتحبس انفاسها اكثر و كتلصق مع المكتب ...الآركس وقف للحظة و دار بسباطو وهو كيشوف في الكولة لي في الارض
أنت تقرأ
هوسي بإبنة عدوي الجزء الثاني (رواية بدارجة المغربية في طور الكتابة +18 )
Action(ممنوع النشر او الاقتباس أو النقل أو الطبع سواء الكترونيا أو ورقيا إلا بتصريح خاص مني ....و جميع الحقوق محفوظة من قبل التطبيق و اي تشابه في اي فكرة من افكار القصة سيتم ازالة للحساب رسميا ) #ملخص لاعبها في المهد و هو خطيب والدتها ....و اقسم هلى تبني...
