💀هوسي بإبنة عدوي 2 💀
👑oumaima mega👑
🎭415🎭
اركس شاد في يدو الفردي كيشوف فيه ...و استدار بمنتهى الرزانة كيتمشى و السلاح في يدو ...فحالا مهاز حتى شي حاجة ....خاصو يسالي انتقامو ينهي هاد المهزلة الصغيرة لي لعبت بافكارو ...خرج من داك المكان ...و هو كيتمشى في الممر ...هز السلاح كيشوف فيه بعيون متحجرة فاقدة الرحمة ... هدفو قدامو واضح وضوح الشمس ....ليوم غادي يرسل هدية للريكس صغيرتو ملطخة بالدماء ... كيفاش غادي يقتلها او كيفاش غيكون وضعها مفكرش فيه ....هو معصب دابا الغضب عامييه على كلشي و في حياتوو البائسة السوداء عمرو تراجع على شي قرار الارواح بالنسبة ليه مسئلة رصاصة على لجبين او القلب ...وصل للباب ديال لغرفة ديالو ....بالابهم ديالو ضرب الساعة رجولية لي في يدو و تحل الساروت ديال لباب ...بدا كيتقدم خطوات و هز يدو الثانية حطها على لباني ديال لباب ...كمش وجهو كيحس بالم طفيف غريب كيتخلل لقلبو كيخليه يتردد و يعدل على قرارو ....انقابضت ملامحو كثر ماشي حتى لدابا ...خاصو يسالي هادشي ...فتح لباب بشوية و عينو باخضرارها تفحصت لمكان لي كان هادئ و الضو فيه خافت ...دخل بخطوات هادئة و سد لباب لمحها فوق فراشو ناعسة بشعرها المدهب و مكمشة على بعضها ومجموعة...اقتارب بشوية للعندها و طلع الفردي كيعدل في السلاح كيأهبو ....وقف على راسها كيشوف في وجهها...كانت مغمضة عينيها و مطلعة حاواجبها برأفة و كتكمش في وجهها فحالا كتحلم بشي كابوس و العرق مزين جبينها ... كان كيتفحصها من راسها و نزل بعينو لرجليها ...كتجيب ليه احاسيس فحال الخطيئة بالنسبة ليه ... وهادشي كيعصبو زير على سنانو بقوة الضغط وحواجبو قربو يتلاقاو مع بعضهم لشدة لانقباض و طلع السلاح مباشرة لجبينها و يدو على الزناد ....و هو كيزير على نيابو ...بدا كيضغط بشوية على زناد ...و كيحس بالم فضيع في قلبو ....دابا لا قتلها غادي يسالي كلشي مغاديش تحل عينيها مرة اخرى ...غادي يتحرم طوال عمرو باش يشوف داك الفيروز ...و ديك الابتسامة لي كتكون على ثغرها و شعرها الطويل لي مغاديش يتحرك و هي كتحرك ...و هو كيفكر في هادشي كتضهر ليه صورتها ...لحاجة لي زادت على الالم ديالو ...كيحس فحالا قلبو كيتعصر بقوة ....و حتى انه تحجر مقدرش يضغط على زناد و سنانو زير عليهم حتى خرج منهم الدم بحر داكشي لي كيحس ....قصح حتى من الم الموت بنفسو.... هادا ألم الهوس
وئام بدات كترمش في عينيها بشوية بشوية كتفيق ...و بدات تحل عويناتها لي كانو مغشيين شوية بالنعاس كتشوف شي حاجة مضبة و غريبة واقفة عند راسها ...طلعت يديها كتحك في عينيها ....اصلان شافها فاقت يا دابا يا الى الابد ....هو يرجع السلاح ديالو من ورا ضهرو خشاه وهدئ من تعابير وجهو المنقابضة ..و كينهج فحالا كان في مصارعة حرة خرج منها هو الخاسر
وئام حيدت يديها و فتحت عينيها على وسعهم : آصلان ...اركس شاف فيها في عيونها لي مكانوش غيتحلو ...وئام حولت تعابيرها لباكية ...و ناضت بزربة وقفت فوق السرير ديالو على رجليها و جات عنقاتو من عنقو مزيرة عليه و مكمشة وجهها فحالا خايفاه يضيع منها : اصلان حلمت حلمة خايبة بزااااف شي حد بغا يقتلك عافاك ماتمشيش مرة اخرى و تخليني ....و كتزير عليه فحالا بصح كانت غادي تفقدو ...و اصلان واقف في بلاصتو وهو يرجع يكمش وجهو وتعابيرو ....كان متحجر ومجمد في بلاصتو ويدو مهبطها كتبان عليه البرودة تحت الصفر هادي هي لي كان غيقتل دابا ....خافت عليه من الموت ولو غير في احلامها ....حيدت منو راسها و هي مزال دايرة يدها من مورا عنقو و كتشوف فيه ...اركس حتى هو طلع في عينو فحالا اول مرة يشوفها ملاك اشقر بعيون فيروزية
أنت تقرأ
هوسي بإبنة عدوي الجزء الثاني (رواية بدارجة المغربية في طور الكتابة +18 )
Action(ممنوع النشر او الاقتباس أو النقل أو الطبع سواء الكترونيا أو ورقيا إلا بتصريح خاص مني ....و جميع الحقوق محفوظة من قبل التطبيق و اي تشابه في اي فكرة من افكار القصة سيتم ازالة للحساب رسميا ) #ملخص لاعبها في المهد و هو خطيب والدتها ....و اقسم هلى تبني...
