هوسي بإبنة عدوي الجزء الثاني (رواية بدارجة المغربية في طور الكتابة +18 )

62

💀هوسي بإبنة عدوي 2 💀
👑oumaima mega👑
🎭286🎭

وعد دار نص دورة بجدية : غادي نشوفو هادشي من بعد كنستأدن دابا ....و حرك عينو للكنبة و خدا الصاك ديالو و دارو في كتفو و رشا جمعت يديها للعندها كتشوف فيه متبسمة المهيم تخليه قيد التفكير فيها ...خلاها من موراه و تمشا للباب

في السيارة ديال وئام من بعدما فاتت الاركس بأميال و بعدت عليه ...كانت متكية على الكوسان ديال الطموبيل و شاردة في الشرجم ... بملامح باردة فين ما كتفكر داك لاس و تعاملو معاها كتحس بالحزن شوية حتى رن الهاتف ديالها باغنية (i'm a Barbie girl ) هزات حواجبها و دورات عينها للساك ديالها اكيد غادي تكون وفاء جبدات هاتفها الزهري بين يدها و شافت الاتصال كان من المامي ديالها وفاء ...مغاديش تقدر تجاوبها دابا حيت اصلا هي في طريقها للقصر و حتى حالتها النفسية ماشي مزيانة رجعت الهاتف لصاكها بدون ماتقطع عليها

في القصر ديال الريكس .... كان الملك جالس في احد لي فوطوي ديالو و برجل على رجل فحالا جالس على عرشو و شاد بين يدو كأس شراب و عينيه في حالة سكر تام و هو ماشي حتى ثمل ....فقط حيت كيشوف في هوسو الشقراء و فحالا كيطيح في الحب للمرة المليون او اكثر ....و هي واقفة بعيدة ....لابسة لباسها الارستقراطي العادي مع مجوهرات لامعة ....و بعيدة من الريكس بامتار و كتشوف في الباب بشكل مباشر و شادة التليفون في يدها مكتملش و هي كتصوني على وئام ...بحكم انها كتخاف عليها بزاف حتى كثر من نفسها و عينيها بشوق كيدورو للشبابيك كتسنى غير في الريح ديالها ...و حركاتها متوثرة ...الريكس طبعا مكيكتفيش غير بنظر ميل راسو بنصف دورة و حط كأس الشراب جانبا ...و رجع عينو ليها غادي يستاعد باش ينوض

وفاء لمحت من الشرجم سيارة بنتها البكر ....وسعت عينيها و بلاما تفكر تمشات خارجة من القصر تلقا لبنتها ...و الريكس وقف و بدا كيتمشى بمخملية لعندهم
وئام بمجرد ماوقفت سيارتها و خرجت منها شافت وفاء واقفة في الباب اكيد لا شفتها بهاد الوجه الحزين مغاديش تخليها تمشي مرة اخرى و هي ترسم ابتسامة خفيفة على وجهها و مشات للعند وفاء كتمشى بزربة للعندها و وفاء دارت يديها على خصرها كتسناها توصل للعندها ...حتى جات وعنقتها و تخشات في صدرها
وفاء حطات يدها عليها : ياك قلتي ليا انك مغاديش تعطلي ليوما وعلاش مكتجوبيش على لاتصال ديالي راه كنبغي غير نطمن عليك ماشي نصدعك حتى فهد من قبيلة وهو يتسنى فيك
وئام حيدت منها بحواجب رأفة : كنعتادر ا وفاء ...و ميلت راسها باستها في خدها باش تسكتها و حتى وفاء تهي مزادتش للهضرة ...و هي طل وئام من مور وفاء و شافت داديها جاي للعندهم و هي توسع عينيها و ابتسامتها : دادييي ....و حيدت من وفاء و مشات كتجري للعندو و صاكادوها في ضهرها ...كان راسم ليها شبح ابتسامة حتى جات للعندو حبيبتو صغيورة و تخشات فيه معنقاه و هو حوط يدو عليها ببطء : اميرتي
وئام : كنعتادر ادادي بزاف حيت تعطلت