هوسي بإبنة عدوي الجزء الثاني (رواية بدارجة المغربية في طور الكتابة +18 )

108

💀هوسي بإبنة عدوي 2 💀
👑oumaima mega👑
🎭488🎭

الاركس كيشوف في الريكس ....بعين الشيطان الخضراء الخبيثة و ابتسامة جانبية العن من القدر عرف ان نهاية الحفل غتكون وشيكة .... و يدو على ضهر الجميلة كتحتاضنها بخصلات شعرها ... و هي مخشية في احضانو و حاطة راسها على قلبو و مغمضة عينيها بابتسامة ملائكية وسط رائحة الرجولة و السيجار و شراب لي كتفوح منو و لي ماشي قدها  ... الريكس كانت عينو كتحكي على صدمة و هو كيشوف عدوو المجهول و بين يدو اميرتو ...بدات تعابيرو كتغير بتدرييج و عينو كتميل للغضب الشديد حتى نفاجرت منها عروق دموية كتغلي بحرارة الجحيم .....وضغط على سنانو بقوة الغضب فحالا كيكسر بيهم عضام عدوو وهو بين عينو...ومباشرة و بدون اي تفكير رجع القبضة ديال يدو وراه للحزام ديالو باش يجبد الفردي ديالو و يفجر ليه رأسو وهو بين يدين صغيرتو غير شد من الفردي ...و هي تشد من الكول ديالو وفاء و هي كلها كتقفقف ...دور الريكس عينو ليها من بعدما غفل عليها او تناسا ووجودها و هو كيتهيج بالعصبية

وفاء كترمقو بانظار خائفة واضحة : اناا خايفة بزاااف ا فهد يقدر يكوون باقيي هناا
الريكس حيد يدو من الفردي و شد من يديها لي معتاصرها في جوانب الكول ديالو و عينو في عينيها : اميرتي انا معاك حتى شي حد ماغدي يقرب ليك (و كيرجع عينو في عدوو اللعين كيف كيستفزو بديك النظرة الساخرة الخبيثة و هو كيلعب ببنتو في يدو رجع عينو للوفاء و شد من كتافها كيطمأنها ) انا غادي نرجع دابا
وفاء غير سمعاتو غادي يمشي و هي تندافع عليه و زيرت عليه بشدة : لا لا ا فهد فيين غادي تخليينيي ا فهد
الريكس كيحاول يتماسك اعصابو لي كيتحرقو فحال الجحييم ....و ميقدرش حتى يعطيي الاوامر للكارد ديالو قدام وفاء و هي فهاد الحالة الهستيرية طلع يدو لخدودها : اميرتي خاصني نمشي نجيب وئام ....وفاء وسعت عينيها عاد اتدكرت انه كاينة وئام

في هاد الاثناء ....كان الاركس بنفس النظرة السكيرة و الضحكة الخبيثة كيشوف في الريكس ... و ميل راسو للاميرة لي في يدو كيستنشق ما الذ منها و طاب ...و هز يدو حطها على الجهاز لي في ودنو و حيدها من بعد و رجع خشا وجهو في شعرها الدهبي لي استقبلو باحتضان وهو كيستنشق لي يكفييه يعيش هاد ليلة ... كانت الرائحة لي كتجننو و كلما كيتدكرها كيترحم على النوم ....وئام كانت بين دراعو حاطة يديها حتى حست بيه كيبعد عاد فتحت عيونها الزمردية .... كانو تحت الاف الانظار ...و الاركس كيحيد منها و كيرجع بلور خطوة خطوة وهو شاد من دراعها الصغير و كينزل معاه اناملو بشوية و كيرجع بخطوات اللور و كتبان ليه كترمقو باستغراب

الاركس بنفس الابتسامة الثملة ميل راسو : سالات الحفلة ا صغيورة دياليي ...و كيرجع بللور
وئام كتقرب منو : صافي غتمشي ؟
الاركس وقف و شد من يديها الصغيرة بين يدو و رفع حاجب : علاش مابغيتينيش نمشي ؟ .... وئام هنا توثرت اسئلة شبيهة باسئلة امتحان من درجة العالية لي مكتقدرش تجاوبو واش باه و لا بلااا ....هو يهز يديها الرقيقة لي كانت بين يد شيطان متنكر ...و  امام انظارها و انظار النساء ...و داها لشفايفو و باسها ليها بكل لباقة ...و ارستقراطية ...و هز فيها عينو و يدها مزال بالقرب من شفايفو كيلقاها على تعبير الصدمة واقفة مجمدة في مكانها ....ضهر خيال خبيث على ملامحو بابتسامة شبح و هضر بنفس الصوت الفحيح : الريكس كيشوف فينا ...و وسع ابتسامتو وئام تهز قلبها بالخوف في ديك اللحظة و حيدت يدها منو بزربة بشهقة