هوسي بإبنة عدوي الجزء الثاني (رواية بدارجة المغربية في طور الكتابة +18 )

70

💀هوسي بإبنة عدوي 2 💀
👑oumaima mega👑
🎭328🎭

وئام مربعة رجيلاتها و في يديها الهاتف حتى وصلتها الرسالة ديالو و هي توسع بسمتها الجميلة و اقشعر بدنها من الحب ....و حركت راسها بالنفي ببطء و الفرحة على شكل يد طرقت باب قلبها و بدات تلعب باناميلها على الشاشة " قلت ليك تصبح على خييير ا أصلان " ....طلعت الرسالة عند المهووس لي كان وسط ضلام الغرفة وضلام قلبو لمتعطش للانتقام وصورتها هي الضوء الوحيد لي شاعل فيهم بجوج ....بين حروف رسالتها باينة كتلعب معاه و هو رجل جدي كيتاسم بالرزانة ...انقابضت حواجبو و عينو كتعكس رسائلها و صورتها الغير المكتملة لي فحال شي بدر ساطع فوحد السماء نااااصعة السواد .... زير على الهاتف ديالو بيد وحدة و هو كيكتب ليها رسائل " وئام مديريش هاكا هادشي مافيهش اللعب وئام وئام " ....كانت هاد الفتاة الدهبيبة كتشوف في هاتفها ببسمة و دارت تكات على كرشها نعست و هي كتشوف رسائل هاد الرجل لي كل حرف منو كيوصلها وقلبها كيشهد على اصرارو و شوقو غير لصورة خرى منها و لكن للاسف مغاديش ترد عليه ...ضحكت بطفولية بصوت جميل بزاف

في القصر ديال الظل .....انتهو من العشاء لي كان على ضيافة وعد هاد ليلة ....و ناض وعد لقى السلام ديال الوداع عليهم دفنة سلمت عليه بلابيز و حاطة يديها على كتافو موسعة عينيها لوزيتين : حبيبي وعد غادي نتسنا انك ترجع عندنا
وعد حرك ليها راسو ايجابا بابتسامة خفيفة : اكيد غادي نرجع
نزار محوط اميرتو الصغيرة في حمايتو من كل دئب شرس ويدو الثانية خاشيها في جيبو و تبسم لوعد ابن اعز صديق عندو لي حاطو في وحد المرتبة كتعدى اللقب ديال ابن من صلبو : كنتمنى تكون زيارتك قريبة لينا ...روز كتلعب بصبيعاتها و كطل على وعد غير بعويناتها الزرقين
وعد كيهدر مع نزار : غادي نحاول
دفنة دارت كتشوف في روز بهدوء : روز وصلي وعد
روز كترتابك من هاد الاشياء لي كتخص وعد كتافات انها تحرك راسها بالايجاب ... و حيد نزار منها يدو ...و تقدمت اولا ....و وعد لقا تحية عليهم براسو و دار يدو في جيابو كيتمشى بكل هدوء حتى تساوات خطواتو مع خطواتها ...و هز راسو كيرمقها بنظرات جانبية ...كتبان ليه شخص منزل راسو و مكتهدرش و تعابيرها حزينة ... كتفكر في السداجة ديالها و كيف بانت قدامو فحال المكلخة ....حتى وصلو للباب القصر و خرجو منو ....وقف وعد اولا و هي وقفت معاه و دارت قدامو بلاما تهز فيه عينيها
وعد بجدية : روز( طلعت فيه راسها بمنتهى البراءة و كان واضح شنو كيجول في هاد العيون المائية لي طلعتهم فيه ) الامر عادي ا روز كتوقع ماشي مشكيل هادا غير نهار الاول مزال بيناتنا الايام و غادي نفهمك مزيان واخا ؟ ....روز غير كترمش فيه كتسول راسها واش لهاد الدرجة واضح عليها فاش كتفكر ولا هو خاصو يكون بهاد الروعة قدامها و بهاد المثالية ....حيد يدو من جيبو ببطء طلعها للشعرها دخل فيه اناملو كيتحسس رطوبتو و كيخربقو ليها بشوية : هه غادي نخليك دابا ا روزي صغيورة....و تبسم ليها و هي كتوسع عيونها فيه تصرفاتو كتخليها غير تشوف فيه بضياع للدرجة كتبغي تسولو شنو نتا بضبط ... وعد تبسم ليها و طلب الاستئدان منها و دار كيتمشى للسيارتو و خدا نفس من الهواء و البسمة كتشكر القدر على الايجار لي عطاه باش يعيش هاد بضع دقائق مع هوسو للكفيلة باش تأويه حياتو كلها ...و روز مزال في ماكانها كتداعبها الرياح و مزال عيونها مسجونة مكتنزاحش عليه