هوسي بإبنة عدوي الجزء الثاني (رواية بدارجة المغربية في طور الكتابة +18 )

53

💀هوسي بإبنة عدوي 2 💀
👑oumaima mega👑
🎭237🎭

وقفها في الباب ديال العربة و على قبل سيادتها واقفة للعبة كاملة
الاركس بابتسامة ميل راسو ليها : طلعي دابا
وئام دارت عندو كتشوف فيه و نزلت لابتسامة : واش مغاديش تطلع معايا ؟ ...السؤال كان صادم شوية ليه انقضت حواجبو شنو غيدير رجل بشخصية ديالو و هويتو المجرمة في لعبة تافهة فحال هادي... و وئام وسعت عيونها كتقرا تعابيرو المنقابضة يمكن تسرعت في الكلام و هي تحرك راسها بالنفي : صافي صافي مبغيتيش منطلعوش صافي
الاركس رجع قلب قناع الحبيب المثالي و ابتاسم ليها : ماشي مشكل اجي نطلعو ... رجعت تبسمت ليه بحماسية و جرها بروية من يدها و زيدها قدامو طلعها اولا ...و هي مشات جلست مجموعة على راسها كتحرك عيونها في جنابها و كتدور من وراءها و هو نحى راسو للطولو الشاهق عاد دخل في العربة و جلس بالقرب منها فارق رجلو و متكي براحة و حاط يدو على فخضو...حرك عينو بشكل جانبي للكارد ديالو لي جا باش يسد العربة بنفسو و عطاه الاوامر بحركة من عينو باش يخبر للكارد الثاني لي كان واقف في الغرفة ديال التحكم ...و تطلقت موسيقى لطيفة في المكان ...و من بعد الركوب ديالهم بدا الدوران ديال الدولاب البطيئ
وئام موسعة عينها و لابتسامة على شفاهها كتحس انها كترتفع على الارض مكانتش تابثة حداه قلبها كيتهز و هي كتطل بعينها على الارض ... و كتسمع اصوات الاناث كيغوتو ...و هي تحرك يدها لا اراديا بخوف حطاتها فوق يدو و شدات صبعو بيدها الصغورين و هي كتشوف في لاسفل ...الاركس نزل عينو رافع حاجبو في يدها و حرك عينو ليها و هنا دق ناقوس الخطر للعندو ...انقابضت ملامحو و هو كيعكسها بين عينو كتبتاسم و شعرها الاشقر كيتطاير كانت ضوء خفيف كيبان وسط الظلام ديالو كانت فحال الشعور بالحياة من بعد هاد الفترة لي عاشها في قبر وهمي ...و هي كان همها الوحيد انها متغوتش بالحماسة حيت جاتها ماشي من لائق في موعدها الاول ...و دولاب كيدور و شيطان جديد كيتقيد بسلاسل الهوس ...كيحاول يستقوى عليه و يكسر هاد السلاسل ... و زاح بعينو عليها قبل مايوقع اكثر في بنت عدوو و يديها الصغار كيزيرو على اصبعو فحالا كتزير على قلبو ....استدار الدولاب الدورة الاولى و بدا في الدورة الثانية ....و لكن الاركس رفع اليد ديالو بأناملو باشارة لكارد باش يوقف مقدرش يكمل معاها ...و كانت اومرو مطاعة ...و وقف الدولاب ..وئام نزلت ابتسامتها ميمكنش يكونو سلاو يلاه بداو اصلا
الاركس دار لعندها بابتسامة مخففة : نمشيو ...وئام حركت ليه راسها بالايجاب بملامح مصدومة ...و ناض خرج من بعدما تفتح ليه الباب كيبقا هو الرئيس فينما مشا ورغبتو هي لي غادي تكون ...و دار خرج وئام من يدها لي كانت كدور راسها و كتشوف كلشي مزال راكب الا هما لي نزلو
الاركس شاف نظراتها : واش كين شي مشكل ؟
وئام دارت للعندو و حركت ليه راسها بالنفي : لا مكاين حتى مشكل
الاركس جرها من يدها بالقرب منو و نزلو من الدرج : شنو بغيتي اخر ؟ ...وئام تبسمت ليه و دورات راسها بين الناس يمين و شمال حتى لمحت من بعيد اللعبة ديال الاحصنة لي كتدور و هي طلع صبعها كتشير ليه : هاديك (و رجعت عينها ليه ) بغيت هاديك ...حرك ليها راسو بالايجاب و رفع يدو عطا اشارة باصبعو للكارد المتخفي من موراه