هوسي بإبنة عدوي الجزء الثاني (رواية بدارجة المغربية في طور الكتابة +18 )

65

💀هوسي بإبنة عدوي 2 💀
👑oumaima mega👑
🎭302🎭

اشتد الحصار على قلب بنت الريكس ....كتوسع عينها شي حاجة فحال التعديب النفسي انه يديك حبيبك للعند باباك انفاسها هاجت ورتافعت فحالا كتهضر في بلاصتها  ....دارت عندو كتشوف فيه التباث و الهدوء بالنسبة ليها اكيد انه معارفش ان هادا فندق باباها ....و هما كيقتاربو و هي كتمنى غير يتجاوزو و ميشوفها حتى حد و لكن للمقنع كلمة اخرى ....كيخفف السرعة و كتخفف معاها حتى ضربات قلبها ....حتى وقف بعيد شوية على الباب الرئيسي لي كان ضخم و كيدخلو منو غير السيارات الفاخرة العالية الجودة زبناء هاد الفندق من الطبقات النبيلة
وئام شفاتو وقف كلها بدات كترعد و ملامحها انخطفت حتى شفايفها لي غادي يتكلمو تجمدو بالخوف بقدر ما تجمد الدم في عروقها دارت عندو ...الاركس طلق من الكيدون و تكا على الكوسان و حول عينو لفندق تي ايس في هاد اللحظة لجميلة كيتمنى بوحد الجنون انه يخرج الريكس و يلمحو جالس مع بنتو غيكون الشكل ديالو فحال الثلجة على قلبو المشتاعل
آركس شكل على شفايفو ريحة ابتسامة : هاد الاوطيل زوين بزاف مكرهتش نشوف داخل ديالو شنو بان ليك ....ودور عينو يشوف رأي بنت الريكس في الموضوع ....وئام وقف قلبها على الخفقان مباشرة نقزت على يدو الضخمة المعرقة و الباردة و حطات عليها يديها دافئة و صغيورة عليه فوق فخضو ملمسها ناعم كيحركو ...رسمت ابتسامة مزيفة على شفايفها كتنافس العرق : لا لا لا من ن ندخلوش ليه يلاه نمشيو من هنا
الاركس بمنتهى الراحة و الشموخ و هو كيشوف في عيونها البريئة لي كتوسل ليه : و علاش ؟
وئام كطلع صدرها و تنزلو و شدات من صباعو بجوج بيديها مزيرة عليهم و كترعد : ح حيت حي حيت (مبغاتش تقوليه انه ديال داديها وهي خايفاه يشوفها غيكون الامر طفولي بزاف ) ا ا انا م متغديتش و مكليتش و فيا جوع بزاف يلاه نمشيو ا اصلان للدار ...و هو كيلمحها كتطلبو بشفايفها و فيروزيتين ديالها هادشي كيحركو واخا مستمتع بهادشي ...حرك غير عينو للفندق تي ايس عندو رغبة انه يبقى و يحقق لي في بالو و رجع لعيونها البريئة لي غير شكلهم كيخليك تلين حتى لو كان قلبك من الحجر و عاد العصرة ديال يدها على صباعو ....و انتصرت عيونها و تهزمت رغبتو اول تنازل لعين لسيادة الاركس ...حرك ليها راسو ايجابا و ببطء ....و دار قدامو شد من الكيدون ...وئام بدات كترجع نفسها و تناخد و طلقت من يدو و جمعتها للعندها كترعد و منزلة راسها خايفة لا يشوفوها او على الاقل يشوفو الكتيبة ديالها مع الاركس ...اصلان تحرك بسيارتو و مشا بيها القدام و وجهو ابرد من الثلج عديم الابتسامة صلب فحال الصخرة و لا اشد صلابة منها ....حرك نصف عينو المفعمة باليخضور لقا الجميلة كتحتاضر و كلها كترعد بالخوف و الهلع و نزل عينو ليديها الصغار كيف مزيرة بيهم على صاكها و كترعد ... انقبضت ملامحو معجبوش الحال فحلا شي برا كتوخز شريان ديالو ....شد لكيدون بيد و اليد الثانية حركها ليدها و خداها منها قفزت و دارت كتشوف فيه و تشوف في يدها ....كيف داها للعندو و خباها مزير عليها فوق فخضو
الاركس عينو على طريق : مالكي
وئام كتحس بان جميع الخوف كيمتصو ليها و كيعطيها لأمان بهاد الطريقة تبسمت شوية و حركت ليه راسها بالنفي : والو