هوسي بإبنة عدوي الجزء الثاني (رواية بدارجة المغربية في طور الكتابة +18 )

54

💀هوسي بإبنة عدوي 2 💀
👑oumaima mega👑
🎭243🎭
توجه بيها الاحد الكراسي المحجوزة و لي مقادة بطريقة انيقة و متميزة و الورد منتاشر على جوانبها في الارض و الاضواء الارضية كيضربو فيه و عاد الضوئين لي متسلطين من الاعلى .... و كان المكان شبه خالي ...جاب شبلة الملك الصغيرة و جلسها أولا في هاد الكرسي ...و حتى هي جلست باستقامة و شادة على اشياءها بقوة  ...و جلس حداها الاركس مفرق رجليه ...و استدار عندها نصف دورة اول حاجة خاصو يفك عليها هاد الاشياء ...بدا ليها بنونساتها كيجبدهم ليها من تحت دراعها و هي غير متبعاه بعينيها حطهم حداها ...و خدا بجوج انامل ديالو المثلجات ديالها كانت معمرة يدها في طبع هاد الاربعيني مكيبغيش لوسخ و مكيبغيش لاشياء لغير منضمة... طلع يدو و جبد من جيبو منديل و شد ليها يدها وبدا كيمسح فيها...و وئام غير كتوسع عينيها فيه و قلبها غيوقف بقوة النبض بالاضافة لوسامتو وهو على قرب شديد منها حتى اهتمامو رائع ...كان منزل عينو فيها وهو يطلع عينو بالحاجب ديالها ...و هي تنزل عينها بسرعة و غير كتسمع لدقات قلبها و شادة الصوفا ديالها مزيرة عليها مكانش عليها تبقا تشوف فيه بهاد اللهفة...رجع بللور بابتسامة و خدا ملعقة و بدا كيهز من لايسكريم بشوية و قدمو ليها : وئام ...طلعت فيه عيونها و شافتو مقدم ليها المثلجات ...سرطت ريقها و فتحت شفايفها للملعقة ...الاركس عيونو الخامدة كتلمح فمها الاحمر جوف هاد الرجل صحراء قاحلة ...مكرهش لو هاد الفم غير الهدف ديالو للفمو ...اه على الانحراف كيتغرس في دماء المهووسين فحال الشوكة ...و هو كيوكلها ملعقة من بعد ملعقة و انظارو كتسبح في حروفها خاصة شفايفها ...وئام كتاكل من عندو و كتحس بنظراتو لي مكانتش مريحة كتحرك في عينيها يمين و شمال و هي توقفو بأدب : صافي
الاركس تبسم جانبيا و حط الكأس ديال مثلاجات على جنب ...و دار لعندها و تكى على الكرسي و دار رجل على رجل بارستقراطية و شبك يدو
وئام بدات كتاخد شوية من الغزل لبنات و كتاكل بشوية و بخجل و بابتسامة ...و حائرة واش تعطيه منو و لا لا واش غادي يقبل ياكل من يدها ...قالت تجرب خدات شوية و دارت للعندو عطاتها ليه بين صبيعاتها
الاركس رفع حواجبو : واش ليا ؟ ...وئام حركت ليه راسها بالايجاب شاف في صبيعاتها و في الحلوة من غابر الازمان ماداق هاد الكمية ديال السكريات ...و لكن غادي ياكل حتى حلوة اخرى معاها ...ميل راسو ببطء و طلع يدو شد المعصم ديالها برفق و فتح شفايفو و قرب يدها للعند فمو و خشا صوفا باناميلها و نزل فمو عليها و متص صبيعاتها بالصوفا ...وئام عاطياه يدها و مخرجة عينيها بدات كتطلع و تنزل في انفاسها و هو كيمتص في صبيعاتها و عقد حواجبو فحالا كيتحسس طعم فحال السحر ...وئام مبقاتش قادرة تجلس دغدغة كانت في انوثتها و هي كتحرك في مكانها هرمنتها شعلو في مكانهم ...حيدهم من فمو بهدوء و طلع عينو فيها كانت مصدومة و كانت درجة الحرارة مرتافعة عندها جبدت يدها من عندو بكل هدوء ...وحركت الصوفا قدام فمها غادي تاكل منها بلا ما تستعمل يدها و حطت شفايفها عليها و هي منزلة عينيها ...الاركس مزال كيتدوق نكهات الحلوة لي كلى و عينو على هاد الصغيرة الجميلة ... ميل راسو بشوية و تحرك للعندها للصوفا لنفس لبلاصة لي كتاكل فيها و حط شفويفو كان الفاصل بيناتهم غير جدار خفيف من غزل لبنات ...هزت فيه عينيها مجبداهم ببراءة و قلبها كيتحسس خطر دئب و كتشوف في عينيه الخضرين الضلام الشديد...و كيبان فحال القبلة بيناتهم ....عاد رجع بللور من بعدما خدا قضمة و صغيورة مقدراتش تاكل نزلت عينيها و نزلت غزل البنات و قلبها كيخفق و نفسها الصغيرة كتحرك