هوسي بإبنة عدوي الجزء الثاني (رواية بدارجة المغربية في طور الكتابة +18 )

68

💀هوسي بإبنة عدوي 2 💀
👑oumaima mega👑
🎭317🎭

وئام في السيارة جالسة و كتخشي يديها في ساكها كتقلب على الهاتف ديالها حتى جبداتو و حركت صبيعاتها فيه حولت الاتصال الام ديالها وفاء ....و حطاتو على ودنها كتسنى الرد ديالها
وفاء كانت في الغرفة ديال الريكس مزال غير قدام المرآة ديال الكوافوز... مولوعة بشكلها الزوين الجديد حتى رن الهاتف ديالها قدامها نزلت عينيها ليه و هزاتو بين يدها كتلقى اسم حبيبتها وئام فتحت الاتصال و حطاتو على ودنها : الو وئام
وئام دارت موسعة عينيها في الشرجم : وفاء انا دابا غادي نمشي لعند روز
وفاء كمشت حواجبها : وعلاش ؟
وئام بدات في اسطورة الكدب : طلبات مني ندي ليها شي حاجة خاصة بيها عاد غادي نجي
وفاء : واخا و متعطليش بزاف
وئام حركت راسها بالنفي : متخفيش غادي نرجع دغيا ....و قطعت الخط

في الفيلا ديال الاركس ....رجعت سيارة هاد المقنع المتخفي من وراء ستارة الانتقام ...وقف محركات سيارتو و جلس واخد مهلة للاحاسيسو كيحكم السيطرة عليهم ... كمش ملامحو و هو كيشوف امامو و حرك البؤبؤ ديالو للكرسي الاسود لي بجنبو كان فيه الاحمر الشفاه لي رماه بعيد عليه ...استغرق في النظر ليه دقيقة كاملة و هو في صراع كبير انتهى بنتيجة انه يهز يدو لداك احمر الشفاه و ياخدو فحال شي قطعة منها خلاتها ليه للداكرة ... زير على يدو و دار تفتح الباب و خرج من سيارة ديالو و خشاه في جيبو و تمشا بكل بطء ....كان متصالح مع داتو هدفو الوحيد هو الانتقام حتى دخلت هي قلبت كلشي رأسا على عقب ....مشا طلع في الدرج و دخل لفيلا ديالو لي من بعد خروج الشقراء ولات فحالة سكون من غير صوت الخطوات ديالو لي صداها كيعم المكان 
لاس كان قدام احد المرايا لفيلا لي مصممة بالدهب .... و هاز مشطة خاصة و انيقة كيرتب بيها لحيتو و كيمشطها و كيقادها سمع صوت اقتراب الاركس عقد حواجبو و حرك غير عينو مر عليه فحال الريح السوداء البطيئة وهو منعدم الملامح ...متاجه للمكتب ديالو ...لاس دار يكمل ترتيب لحية ديالو باش يمشي يناقش معاه شي امور كتخص بنت الريكس

في القصر ديال نزار ....كانت دفنة كتحدث مع رئيسة الخدم لي منزلة راسها ليها في منتهى للجدية ...حتى رن الهاتف الكلاسيكي الارضي ...بغات تمشي ليه الخادمة و لكن رفضت دفنة و مشات بنفسها و رفعت السماعة لي كانت من لي كارد
دفنة بجدية : وي
الكارد : الانسة وئام بنت مسيو الريكس هنا
دفنة تبسمت و استغربت في نفس الوقت : وئام ههه اوكي ....و رجعت حطت السماعة مباشرة و توجهت للباب تستقبل الضيفة لي جات بلا عزيمة ..... وقفت سيارة وئام في الحديقة ديال القصر و تفتح ليها الباب و خرجت منها كتدور عينيها في الارجاء حتى لمحت دفنة خارجة من لباب بابتسامة بلاما تأخر دقيقة وحدة حتى هي فتحت عينيها و و تبسمت و مشات للعندها كتجري بعفوية و تلاحت في احضانها معنقاها : خااالتووو دفنة
دفنة حتى هي عنقتها و زيرت عليها : حبيبة دياليي مقلتيش ليا انك غادي تجي (وئام حيدت منها كتشوف فيها و دفنة لاحظت ان شعرها فازك ) علاش شعرك فازك ؟