هوسي بإبنة عدوي الجزء الثاني (رواية بدارجة المغربية في طور الكتابة +18 )

91

💀هوسي بإبنة عدوي 2 💀
👑oumaima mega👑
🎭426🎭

شرف تبع وئام بعينو و طلعها و نزلها بشنو لابسة و شكل ديال الجسد ديالها المثير وجمالها الشبيه بأساطير الشمال القديمة....وئام كتمشى داخلة عادي فحال كيفما كدخل ديما ...دورت عينها بجنب شافت هاد الاستاد لي جابوه جديد ...لقاتو كيشوف فيها ...و  رجعت عينيها قدامها مشات جلست في مكانها و بدات كتجبد ادواتها هي ولورينات ديالها ...شرف تبعها بعينو حتى جلست و رفع حواجبو واااو كيظن ان هاد العام غيدوز عندو زوين بزاف ...و تبسم جنب و بدا كيهضر
شرف متبسم : كنضن ان مدام لوتشي عرفتني عليكم وعرفتكم عليا مهم لي خاصكم تعرفوه انني الاستاد ديالكم لهاد المادة و صراحة مابغيتكمش تعتابروني استاد اعتابروني صديق او اي حاجة بغيتو ( وحرك عينو لوئام لي كانت دايرا يدها على خدها و كتشوف فيه طبعا بلامبالاة و ديرا رجل على رجل و كتمضغ المسكة كيف عادتها و التلاميد حسو بالراحة من بعد هضرتو حتى لبنات تبسمو و شرف رجع كيشوف فيهم ) و انا اطالعت على الدروس ديالكم مع الاستاد لي قبل لي غادرنا بسباب ضروف صحية طبعا و شفت حتى الفروض ديالكم دابا قبل ما نبداو بغيتكم تعطيوني تدكير على داكشي لي فات شنو قال الفيلسوف الفرنسي بوسيوت ؟ ....و بدا كيشوف فيهم و التلاميد كيحاولو يتدكرو ...رجع كيشوف في جميلة المدرسة لقاها على حالها لا مبالية هي مغاديش تصدع راسها بهادشي من بين ملايين الفلاسفة غتعقل على هادا و على شنو قال من للفوق

شرف ضحك : هه كيبان ليا حتى وحد ماتدكر واخا غادي ندكركم بيه و عمركم مغادي تنساوه ...و دار لجيهة وئام و مشا كيتمشى لجيهتها ...وئام شافتو جاي لعندها و هي ترفع حواجبها و رجعت للور ...و وقف قدامها مباشرة ...و هز يدو شد خصلة من خصلات شعرها ...وئام هزت حاجبها و بعدت راسها حيت حتى وحد مكيتجرأ يقيسها و كتقوليه بعينيها واش من نيتك
شرف متبسم وهو يقرب ليها وكيزيد يتبهر بجمالها لي ساحر كتر من رأيتو ليها عن بعد : فحال دابا انا شديت من شعر لأنسة؟ (وهز حاجب بمعنى شنو سميتك ؟ وئام هزت جوج صباعها و جبدت بيهم شعرها من يدو بطريقة مهدبة : وئام ) انسة وئام (و دار تبسيمة جنب و ناض وقف ) شنو في هاد الحالة خاصها تقول ليا الانسة وئام
لورين 1 حداها : معندكش الحق
شرف : تماما هادشي لي قال الفيلسوف بوسيت ... وئام كتقاد في شعرها و كتقول مع راسها شنو دخل شعري في موضوع هاد بوسييت ...و هي على غير علم بلي تعرضت لتحرش بلاما تحس

في المدرسة ديال لوتشي الاعدادية ....رشا باقا الفوق و شادة تليفون في ودنها : راه قلت ليك ا وعد الى تخليتي عليا غندير في راسي شي حاجة و هانتا غتشوفها و قدام عينك و طفات عليه
وعد مخرج عينو فيها : رشا رشااا ....و حيد تليفون كيشوف فيها و بداو تلاميد كيغوتو ليها بلااا ...و خرجت ادارة المدرسة كلها كتشوف فيها من بعدما عيطو ليهم شي تلاميد
المديرة عطاوها بوق كتهدر بيه معاها : انسة رشا شنو كديريي رجعيي لوعيك وشوفي قدامك شحال من واحد خايف عليك لا كان شي مشكل غير هبطي وغنحلوه و غنعاونوك فيه حنا كاملين يلاه ا انسة رشا (رشا كتنزل الدموع و كتشوف فيها و كترجع تقلب على وعد بعينيها و كتزيد شوية لقدام ...كيغوتو تلاميد كلهم تقريبا حتى من روز كانت ضامة يديها و هازا حواجبها برأفة و كتقول لا وخايفة عليها )
المديرة حيدت البوق و مالت عند واحد من الادارة : فين فريق الانقاد
الحارس العام : راه علمناهم هاهوما غيجيو دابا...وعد كيشوف فيها و مخرج عينو غادي طيح دابا و بسبابو ...نزل راسو مكمش حواجبو و بدا كيتجاوز تلاميد بزربة