💀هوسي بإبنة عدوي 2 💀
👑oumaima mega👑
🎭512🎭
في المعسكر الخاص بالريكس ....و بضبط في القاعة الخاصة بتدريب على اطلاق الرصاص ...كانو فيها فحال خانات صغيرة ...و مباشرة امام كل خانة و على بعد مسافة كاين لوح خشبي بمستويات متعددة لاطلاق النار ... كان صوت اطلاق النار عالي بزاف ...واقف وعد في وحد فيهم بلباس اسود خاص و الجاكيط ديالو محطوطة في الجوار و قدامو مائدة فيها انواع اسلحة متعددة و بجميع المقاييس و الاشكال ....و كان داير كاسك على ودنوو ...و نضارات خاصة و شاد الفردي بجوج يدين بمنتهى الاحترافية كيدل على انه متعود على التدريب على حمل السلاح ....و انظارو حادة على الهدف ...و هو كيطلق النار على اللوح لي امامو باحترافية تامة ....و دهنو مشتت ...كيجيوه شي صور من داكرتو معاقلش عليهم مزيان ...من بعد اخر كاس شرب من عند رشا مبقا عاقل على والو ....كان من موراه ثلاتة ديال لي كارد واقفين وقفة عسكرية كيراقبو تدريباتو عن كتب ... باش ميخطأش في تصويب ...حتى دخل لهاد القاعة المغلقة وحد من لي كارد ...مشا عند رئيسهم و همس ليه في ودنو
رئيس لكارد : مسيو وعد (وعد وقف شوتينغ و حيد الكاسك غير على ودن وحدة و دار نصف دورة وانضارو حادة ) مسيو الريكس كيتسناك في المكتب ديالو ...وعد حرك ليه غير راسو بالايجاب ...و دار حط السلاح حدا الاسلحة لي كان غيدرب بيهم و حيد الكاسك و نضاضر ...و استدار بهدوء هاز للجاكيط في يد وحدة و دارو معاه لي كارد الربعة من موراه فحال الجنود
نرجعو لوئام ... في لكلاس من بعدما شكرهم شرف على حسن الانصات و كيدكرهم بدروسهم المنزلية ...وئام كانت كتجمع دغيا المقتنيات ديالها حيت خاصها تمشي تشوف اصلان جدول اعمالها مشغول ممسالياش للدراسة ...كانت من الاوائل لي ناضو من مكانهم ...و تمشات غادي تمشي تخرج حتى وقفها صوت شرف
شرف بابتسامة : انسة وئام ؟ (وئام دارت لعندو رافعة حواجبها و في كتفها الساكادو ديالها و بابتسامة اصطناعية وهو تمشا كيقرب منها حتى وقف قدامها كيستنشق عطرها الجداب و كيتبهر بجمال عيونها الخيزورانية) كان الجواب ديالك زويييين بزاف اليوم (و ركز على زوين )
وئام بكل صراحة ممهتماش بهاد الامر و بكل لباقة من صفاتها كأميرة : كنشكرك امسيو غنستأدن منك دابا...و استدارت كتمشى قدامو طبعا هو كأي رجل غيتبعها بعينو وطلعها و نزلها مثيرة وحد الاثارة خاصة عاد عندها جسد زوين بزاف كيستحق المجازفة حتى وقفت عليه لارا شادة كتاب ديالها
لارا بابتسامة طفيفة : مسيو شرف
شرف دار عندها عطاها نفس الابتسامة : انسة لارا
لارا كانت مهتمة بالدراسة لاقصى حد : صراحة ا مسيو شرف بما انني يلاه لتاحقت معرفتش امتا غيكون وقت الامتحانات باش نقدر نوجد ليهم في وقت وجيز
شرف : حتى انا يلاه لتاحقت كاستاد مؤخرا و مزال مفكرتش في امتحانات دابا يمكن ليك تاخدي وقتك باش توجدي دروسك
لارا وسعت ابتسامتها ليه : شكرا ا استاد
أنت تقرأ
هوسي بإبنة عدوي الجزء الثاني (رواية بدارجة المغربية في طور الكتابة +18 )
Action(ممنوع النشر او الاقتباس أو النقل أو الطبع سواء الكترونيا أو ورقيا إلا بتصريح خاص مني ....و جميع الحقوق محفوظة من قبل التطبيق و اي تشابه في اي فكرة من افكار القصة سيتم ازالة للحساب رسميا ) #ملخص لاعبها في المهد و هو خطيب والدتها ....و اقسم هلى تبني...
