(ممنوع النشر او الاقتباس أو النقل أو الطبع سواء الكترونيا أو ورقيا إلا بتصريح خاص مني ....و جميع الحقوق محفوظة من قبل التطبيق و اي تشابه في اي فكرة من افكار القصة سيتم ازالة للحساب رسميا )
#ملخص
لاعبها في المهد و هو خطيب والدتها ....و اقسم هلى تبني...
وئام زادت جبدات عينيها و قلبها شعل بفتيلة من خفقان ...و حنيكاتها زادو من الحدة ديال اللون الاحمر ديالهم ... لدرجة تقدر تستخلص منهم احمر الشفاه ... بطئت الحركة ديالها و رجعات دورات عينيها امامها و ضمات يديها مزيرة عليها و هي كطلع نفسها و تنزلها ...و لورينات تخشاو فيها مخرجين عينيهم ...و هو كرجل عصابة مطلوب دوليا فحال الحرباء كل مرة كيرتدي ثوب في شكل ...و هاهو على هيئة استاد ...كيتمشى في هاد الممر مبطئ الحركة ديالو و طولو شاهق ...و يد في الجيب ديالو و يد شاد بيها السكادو الزهري ديالها ... و هو كيتمشى و الهالة ديالو كتخلي التلاميد ينزاحو على طريقو ببطئ و اعينهم مرفوعة للسماء و هما كيرمقوه بانظارهم ... و كعادة هاد الآركس ملامحو خبيثة مجمدة و عينيه كتقنص صغيرة الريكس ...لي من لحظات كان ملعون بسحر جمالها الخلاب ....ضرب ديك اللحظة بإحساسها عرض لحائط ومعطاش فرصة لعقلو حتى أنه يستدكرها كأنها موقعتش في لأصل ... وئام كتزيد تحاول تمشى و لكن حركتها ولات ثقيلة و هو كيقتارب منها ...و اصابعها كتلعب بتوثر ...كتحاول تخلي راسها مستقيم و تزيح بأنظارها بعيد ...و لكن مقدراتش حيت عينو مغناطيس كتنقض على عيونها الجميلة و تنزل راسها الاسفل...حتى وقف أمامها كجبل عريض مكيهتزش و هو كيشوف فيها بالمباشر ...لورينات وقفو مكانهم بدون ما يقتاربو اكتر و كيشوفو كيفما حال جميع الموجودين في المكان
وئام كتجبد عينيها في الحداء ديالو لي وقف قدامها وقفت و رفعت فيه راسها بالصدمة مطرطقة عينيها فيه و بنبرة بريئة طفولية ولحرج طاغي على وجهها الملائكي: أستاذ آصلان ...و هي واعية تماما على شنو كاين من حولها
الآركس عينو و حجبانو في ركود و هو كيشوف المجرة لي في عيونها و رموشها مفرقين بطريقة جميلة ...الحاجة لي خلاتو مركز عليها و تعابيرو مكيتغيروش معادا حواجبو لي كينزلهم ببطء ....طلع اليد ديالو و قدم ليها ساكها بدون ما ينطق حرف واحد ...وئام حركت عينيها سريعا لليدو و وجهها فحال شي وردة كتفتح و تغلق بلاماتسنا الفصول يمرو عليها ...هزات يديها بكل أدب و حطات يدها على الساك ديالها : شكرااا ...و بغات تجرو و لكن كان باقي عالق في اليد ديالو ...رجعت طلعت فيه عينها بالصدمة و كتشوف فيه مزال شاد صاكادو وكيشوغ فيها بتعابير غير مفهومة ... آصلان متحركش من مكانو و هو كيشاهد بدون وعي منو أبدع أيقونة للجمال وهو مسحور مرة خرى بحراكتها اللعينة الطفولية و هي مرتابكة و حرك عينو تلقائيا لشفايفها لمصممين على شكل قبلة صدقا هي لعنة أبدية مجرد ما تبحر في معالمها لحضة واحدة حتى لو بالغلط غتبقا غارق في عمقها حياتك كاملة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
