في عنق جبران قلادة

الخرزة الاولى

الكاتبة : أساور الياسري 🖤

*************

.. بچيتك وانت اعز غالي 💛
وينشدوني واگلهم سالفه ببالي 😓

************
وسام ..

جنت كاعدة ب كافيتريا الجامعة وحدي بدون مااشتري شي هيج بس حتى اكعد ادرس ..

رفعت راسي من الكتاب اريد ارفع شعري ضوجني كل شوية يوكع على وجهي ..

وحان اشوف اكثر شخص اكره شوفته اوووف .. دنكت راسي بلا مبالاة على الكتاب واني ادري بي جاي عليه ..

هو اصلا مو من جامعتنه شيدخل هيج اشكال لجامعتنه .. ويجي بحجة عود ديشوف على اصدقائه هنا بالجامعه ويبقى يذب حجي ..

هو اول مرة اجه عود اعترف بس منو ميعرف الشيخ مروان ماكو بنيه بجامعات بغداد ما ضاحك عليهه ..

واني اصلا اكره شي اسمه حب خاصه بالنسبه للرجال كلهم جذابين ويعوفون الي تحبهم علمود اسخف الاشياء ..

واني هذا مو شي جديد عليه دائما يجون شباب يصارحوني واني ارفض بأدب وهم همات بعد ميتعرضولي الا هذا لزك فد مرة ..

واني ساكتتله لحد الان لان مالي خلكة بس على ساعة اطفر بوجهه ..

ما حسيت اله ضله فوك راسي تأفأفت بضحر بصوت مسموع حتى يفهم عدم رغبتي بوجودة وبقيت منزلة راسي على الكتاب وما رفعته ابد ..

شفته سحب الكرسي الي مقابيلي وكعد علي .. وكال

مروان : اي ست وسام شتحبين تشربين لان الضاهر بعدج مطالبة شي بس الكتاب الكاسر ركبتج .. وضحك

غمضت عيوني بنفاذ صبر واحاول اهدء نفسي لان وصلت حدها هايهيه بعد اخذت نفس كدرت اهدء شوية وبدون ولا كلمة مااريد افقد اعصابي لان اذا عصبت اتحول وحش ..

كمت وكفت واخذت كتبي وجنطتي ودفعت الكرسي ليورة ومشيت .. وهذا كله بدون ما اباوع بوجهه ابد

مروان غمض عيونه بعصبييه وهو يتوعدلهه .. وجان على الطاولة مثل المزهرية صغيرة بيهه ورد اصطناعي ..

شمرهه بالكاع وتناثر الزجاج بالمكان ولبس نضارته واخذ تلفوناته ومحفضته وطلع من الجامعه كلهه وهو يتوعد لوسام ..

وسام ..

بعد ما طلعت من الكافتريا توجهت للقاعة لان المحاضرة بعدلها نص ساعه وتبدي بقيت كاعدة بالقاعة ادرس للمحاضرة على يخلص الوقت .. لان اني حتى صديقات ما عندي ..

بالمناسبة اني ادرس طب عام وهاي اخر سنه وانشالله مقررة اتخصص جراحة قلبية علمود جدو حبيبي وهو كل دنيتي ما عندي غيرة اساساً لان هو مريض بالقلب ..

وهو محتاج عملية وما عدنه امكانية نسويلة عمليه لذلك اني راح اتخصص قلبية حتى اكدر اسويله عملية ..