في عنق جبران قلادة

الخرزة الثانية عشر

الكاتبة : اساور الياسري

**********
گولولة مايضحك صدگ،
حتة بضحكتة يمثل،
كولولة چذابة الصور،
هاي الملامح والوجه ..
اسبوع بيها يعدل ..💜ء

***********

جبران..

كعدت من النوم طبيت سبحت وطلعت .. جاي اروح للمطبخ واشوف مروان واكف بباب الهول ووسام اسمعهه تكلع مروان وخر هو واكف ..

من شفته واكف ما تحرك صحت بي حتى يوخر هو بس سمعني صحت باسمه دار وجهه بخوف وهي باوعتلي بخوف وراحت تمشي بسرعه للمطبخ

شفتهه طبت للمطبخ التفتت على مروان وخزرته بمعنى شجنت تسوي كالي بسرعة : جبران بس جنت اريد اكللها ما تجيب طاري للبنات بسالفه المستشفى ..

كتله واني أتقدم يمه : مروان احلف بداعه حبوبتي الكتلي علي صدك ..

شفته باوعلي وفتح عيونه بصدمة وما حجى كتله واني اديه رجفت من انو يكون الي كاله على وسام جذب رجفت من انو مااعرف شراح اسويله اذا صدك طلع جذاب : مرواان احللف ..

هم ما حجة ويباوعلي بخوف .. كتله : انت البارحه حلفت بالله .. اذا صدك الكلته احلف لان حبوبتي مو ما تحلف بيها جذب وعادي تحلف بالله ..

كالي : لا موو جذذب ..

كتله : لععد احللف مرواان ولا تشلع كلبي البيه كافيني ..

كال وهو مغمض : وداعة حبوبتي مو جذب ..

اخذت نفس براحة لان فعلا جنت راح اموته اذا طلع جذاب بس ما دام حلف بداعة حبوبتي يعني ما يجذب .. وبنفس الوقت ضجت لان وسام طلعت فعلا هيج

عفته ومشيت لان اني بعدني مااحجي وياه لان خضع لجدي علمود طمعه وجرب يلعب بعرض بت عمه .. طبيت للمطبخ لكيت حبوبتي وعمتي ام جياد والبنات ووسام كاعدة وياهن ورفعت راسهه شافتني ورجعت بسرعة دنكت ..

اني هم ما باوعتلهه ماادري احس ضايج منهه ورة ما حلف مروان هسه مع انو جان عندي شك انو يكون جذاب مو استقلالا بحلفة اللله لا بس مروان من يحلف بداعة حبوبتي هايهيه يعني ..

رحت لامي {حبوبته } وعمتي ام جياد بستهن براسهن وصبحت عليهن التفتت على زينب كتلهه : زنوبه شلونج ..

ابتسمتلي بس احسهه ضايجة وعيونهه مورمه : الحمدلله ماشيه .. انت شلونك

كتلهه : اسأل عليج .. هاي شبيهه عيونج مورمه مريضة بيج شي .. هزتلي راسهه بلا بس وابتسمت

رديتلهه الابتسامه وكعدت واني أصلا مااشتهي بس اريد ادمج بيان بيناتنه شويه لان احسهه تستحي من عدنا مو مثل زينب خبله مثل طبع جرااح ههه همزين خطبها طنجرة ولكت غطاها ..

كلت بصوت مسموع : هسه اني لو عندي اخت جان كامت سوتلي ريووك ..

كالت زينب وهي تكوم وتبتسملي : صدك جذب واني وين رحت .. ثاني مرة لا تعيدها مال لو عندي اخت اني اختك