في عنق جبران قلادة

الخرزة الثامنة

الكاتبة : أساور الياسري 🖤

*********

أنا الـ مبيوگ ، أنا الـ مامش
أنا الـ بس اسمه بشر عايش !
أنا الـ ثگلت عليه روحَه ،
وأنا الـ كل تايهه وكل عابره تلوحَه 😞

**********
جراح ..

كاعدين ورة الغدة يومية نجتمع ساعه هيج ورة الغدة ونطش وراهه ..

كاعد اهمبل على زينب واجذب عليهه واكللهه عود اني زحفت لوحدة ومدري شني ..

يمممممه واحسلك دمي كله نشف بشراييني .. وكلبي كام ينطنط دخيلج يالزهرة احضريني ..

اني جنت مبطوح واسولف وي زينب .. طفرت على حيلي عالصوت الهز البيت هز

وجان يطب للديرة المكروه اسمه ..

واشوفلكم جدي يطب وعيونه بكصته .. عيوني وحدهن شاطن على حبوبتي عود استقوي بيها

خييه شو اشوفلكم حبوبتي مزوهرة وويهه مصوفر وترعش .. وتبولع بريجها صدك كمصتني الضحكة بوكتهه ..

ادوور التفتت على جدي لينافخ ومنطط عيونه عليه دخيلك ربي .. يا جماعه يجوز ما ترضون علي بس انه ابد ما احب جدي بصراحه يعني ..

يمممه وصار الخايف منه .. بطني كبل شكلت اسهال من الخوف وحگ هو الحمزة ابو حزامين ..

من لا هله ولا مرحبا من تشكل بطني اسهال هايهيه بعد اسكن المرافق يبوووو عالساعه العرفتك بيها شيخ جابر عبنك دومك مسههل بطينتي المكرودة هاي ..

صاح بصوته الجهوري ( بيني وبينكم سامع بالجهوري بس مااعرفه شني هو المهم يعني كام يجوعر بالمختصر المفيد .. بس انه احب أثيييك عليكم 😎 )

كال : مفتاح السيارة تحطة على ميز المراية وممنوع منعا باتا .. وهو يباوع عالواكفييين .. احد يطي ربع دينار منا لاسبوع كامل وتعرفوني شسوي من تنكسر حجايتي .. مفهوووم

اووووووو عباله يخوفني بهاي عقاباته .. كتله وانه اريدة بس يروح حتى احلللق للحمام لان يكرم طاري الحمزة بعد مااكدر الزم روحي دقيقة : مفهوووم هايهيه ..

كال وهو مترهي وانه مستلكين اهل اهلي : شو جنك ما عاجبك الحجي وتحجي من ورة خشمك ..

اااااااخ يا بويييه وصصصصصلت يكرم الحمزة ... المووووت اوووولى من ركووووب العاااار ..

صميت رجليه وشديت محرك ابو لهب وعفتههم واشللللع للحمام كبل ... ياهو اليسلم بروحه من الفضيحه بس خل اوصل المرافق ..

اااااخ يا بويه هسه ارتاحيت وفتشن عيوني ( يعني انفتحن زين 😂 )

رجعت للهول واسمع ابو لهب اااا اقصد جدي يكووول : افتهمتوا محد يضل يلح بالحجي البت تضل يمنا ضيفه اسبوع شهر سنه سنين العمر كله ماا معروف المهم من تجي هنا لا تضلون تسئلون بيها .. وتاكلون كلبها ..