في عنق جبران قلادة

الخرزة العشرون

السلام عليكم 🍃🌻

الكاتبة : أساور الياسري 🖤

الغربة..!
من ترجع ادور
بالصور والذكريات اليوجعنك...!
الغربة..!
من روحك تگلك دنسه .. فنك...!!

*************
وساام ..

بعد حجي جبران حسيت نفسي هالكدوتني من الخجل وحسيت كراامة ماكو كرامتي انسحللت .. بوقتها يمكن جان كلامه كله بجهه ومن كال يحب وحدة ثانيه بجهه حسيته غرز سجينه بنص كلبي بهاي كلمته ..

حاولت ابقى واكفه قوية لكن دموعي خانتتي كدام بيان يلا خليها بيان ولا غيرها بعد ما طلعت بيان كعدت بالكااع وكممت ابججي بصوت مرتفع شويه واحس ارييد اصرررخ بس ارييد اصرخ لان الخنكة الي حاسه بيها راح تموتني ..

بعدها كمت وغسلت وجهي وباوعت لنفسي بالمراية ووعدت نفسي انو يكون هذا درس اتعلم منه انو ما اتعلق واحب بعد اليوم اي شخص وهو كلامه صح انو ما جان مخليلي اي شي يدل انو عندة مشاعر تجاهي الا نضراته الي جنت دائما المس بيهن الحب بس مااعرف يجووز اني هيج فسرتهن ..

بعدها من طلعت وسمعت البنات يحجن علي وشلون مجروح احس روحي انسلبت مني وكلبي كام يدك سريع واني اتخيله مجروح ومتوجع حاولت ابين عادي لان بيان تباوعلي ..

بقيت كاعدة على نااار انوب يتصلون عليهم وما يردون جراح لحكهم .. منا لمن دخل وما شافني لان جنت كاعدة من جهة الباب منطيني ضهرة احس روحي ردتلي وكرهت فرح كلبي الي كام يركص من شافة داخل بخيير ..

وبنفس الوقت من شفت ايدة شلون ملفوفة واني اعرف كولش زين لو مو جرح عمييق ما يلفوهه هيج واني اباوع لايدة حسيت بدموعي تنزل بحرگة على خدي تعبر عن نسبة اقل من القليل عن وجع كلبي وخوفي علي وقبل لا ينتبهلي احد طلعت ورحت للغرفة ..

بعد ما تعشوا واني سويت روحي نايمه لان مااريد اشوفة حسيت نفسي مو جاهزة حتى اواجهه .. لليل حسيت كلبي كلش بعد طك ويريد بس شوفة جبران وبقيت بصراع بين كلبي وعقلي ولاول مرة كلبي يفووز ..

كمت خليت حجابي على راسي وطلعت ماكو احد كلهه تعبانه وكلمن بغرفته بس بيان بعدهه تغسل مواعين ردت ادخل للصاله سمعت صوته ورجعت ليورة شوية وكمت اباوعله من الشباك وانس كاعد كدامه ويلفله بإيدة ..

ومن فتح الضماد وبين جرح ايدة غمضت عيوني بخوف ودموعي نزلت ملت وجهي بقههر وخووف علي بقيت اباوعله من الشباك ودموعي على خدي منا لمن رفع راسه واستقرت عينه بعيني وانطاني نضرة ..

حسيييت بيهه اي هذا جبران الي خلاني احبه كل هذا الحب وهاي النضرة بالذات هي العشمتني بحبه الي .. بلحضة ضععف وفووز قلللب ابتسمتله بحب واني دموعي ماليه خددي واحس كلبي شوية ويطلع من صدري من الفرح من نضرة جبران ..

لكن سرعان ما كلشي تلاشى وي ابتسامتي الي تحطمت وي نضراته الي تغيرت بتغيير حطمني وحطم كل أمل عشته بهاي الثواني ونضرلي نضرة استحقاار وكره ..