في عنق جبران قلادة

الخرزة الواحدة والثلاثون

السلام عليكم يالربع 🕊💙

الكاتبة : أساور الياسري 🖤

نسِيتك وَ ﭑنتهَى ﭑلمُوضوع
وَ مو إنتهَ ! .
ﭑلـ يُعرفك بعَد ماذِكرهَ . .

******************
أنس ..

من شوفتني امي صورة وسام وجبران وشلون لازمها من خصرها احس نار اشتعلت بصدري ما لكيت نفسي غير راكضلها لكيتها بالمطبخ جاي تسوي غدة لبابا ما حسيت على نفسي شجاي اسوي منا لمن سحبوهه الولد مني وضربني جياد وكعني بالكاع ..

طلعت من البيت كله واني احس عقلي طاير من راسي ما ادري شبيه معقولة اني امد ايدي على مريه وعلى منو على وسام الي بهالفترة القصيرة صارتلي اعز من روحي واعز حتى من زينب الي من بداية العمر هي اختي ..

رحت وكفت كبال الشط وبقيت صافن اني شسويت بس هم وضعيتهم هم بالصورة ما ممكن احد يتحمل يشوف اخته بيها بس الوياها مو اي واحد الوياها جبران واني اعرف جبران كلش زين مو ملعب بس حتى واذا المفروض ما يتصرف هيج اووووف حسيت عقلي راح يطير من التناقض بالتفكير ..

كمت ركبت سيارتي ورحت للبيت ردت ادخل وجان اسمع بيان تصييح على امي مهما كانت تصرفات امي بس مالها حق تصييح عليها جنت مقرر بس اوبخها بس ماادري شلون وكعت بالخطأ مرة ثانيه ومديت ايدي وضربتهه راشدي ..

من قوته احس كلبي وجعني عليهه لان جان كلش قوي .. وصدمتني امي بسالفة الموبايل وشوشني خوف بيان من الموبايل لمن ضمته ومن كسرته احس مدري شنو صعد براسي وكمت اتخيل كلام ما ينقري او فعلا شغلات مثل الكالتها امي ..

بوقتها الشيطان تربع بمخي وبديت اتصور انو وسام من بغداد وهناك حرية وفري و اكو بيهن مالهن خطوط حمراء وهي جان جدها رجال جبير ما ممكن يكون وراها بكل خطوة وجبران بالنهاية هو رجال مهما كان خلوق و ينشد بي الضهر يبقى الرجال في بعض الاحيان رغباته تقوده ..

ما حسيت غير اني فوك راسهه وهي نايمه وساحبهه من شعرهه وهم من اضربها ما حسيت بنفسي نهائيا منا لمن ضربني عمو خالد راشديين وطردني من البيت يلا استعوبت الوضع الي اني بي باوعت لوسام مدمايه وكوه تطلع صرخاتها احس كلبي تكطع عليها ..

طلعت من بيت عمي ورحت مباشرة لبيتنا لغرفة امي شفت الموبايل بمكانه بالكاع شلته خليته بجيبي واني ما ادري شسوي احس بيبي وبين الجنون شعرايه ..

اخذته وتوجهت بسرعه لصديق عندي يعرف بالموبايلات حاول يفتحه كال محترك كتله حاول بعد واني كاعد على اعصابي راح خلاه عالشحن ومدي شسواله اشتغل الموبايل ..

سحبته منه خاف مخليه صورتها لو شو واحس كلبي راد يوكف واني اشوف الخلفية صورتي بالصدرية الطبية بالجامعة صورتنياهه هي وكاتبه عليهه ليفوك روحي ودنياي ..

حسيت نفسي احقر انسان بالبشرية حاولت اعوف الموضوع ورحت عالرسائل شفتهه عادي كاتبته بإسمه يعني ما مغيرته دخلت عالرسائل وجانت هنا الصدمة احس عيوني جحظت ليبرة من الصدمة ..