في عنق جبران قلادة

الخرزة الخامسة عشر

الكاتبة : أساور الياسري 🖤

السلام عليكم 🌿🌹

مكاتيبي
وسفر عُمري
وصباح الخير
وعيوني ..
صدگ ما مرّن بالك!🖤
************

وسام ..

بعد ما شفت ردة فعل أنس حسيت انو خلص خلصت كل حيرتي ومشاكلي انحلت ومااريد شي من الدنيا بس ابقى حاضنه أنس قسماً بآيات اللله حتى حضن جدو الي جان يعنيلي كلشي بالحياة ما ارتاحيت بي بكد ما ارتاحيت بحضن انس ..

وحسيت فعلا الي سند بالحياة وبعد مااخاف من شي شعور انو يكون عندي اخو اول مرة اعيشه بس احلى شعور بالحياة مستحيل اثنين يختلفون على هذا الشي ..

بعدها اجت زينب واعتذرت مني واني اصلا ما اخذت على خاطري لان حقهه صدمه بالنسبه الهه

ومن هاللحضه من شفت زينب وانس وتقبلهم اليه قررت اتقبلهم واعيش الحياة الي جنت كل عمري اكابر على نفسي انو اكول اتمنى اعيشهه والي كانت امنية حياتي اعيش بجو عائلي بس جنت اكابر وجان حقدي على الوالد يطغي على هاذي الاحاسيس ..

وحتى هم اهلي اعيش وياهم عادي بس الوالد اذا ما ندمته على كل لحضه تعذبنه بيها اني وامي ولأسوي العذاب علي ضعفين فوگ مرضه ..

رحنا بعدها لبيان ومها لكيناهن كاعدات وبيان الضاهر حاجيه لمها ومن دخلنا سلمت عليه مها وحضنتها وبقينا نسولف ونضحك وزينب شابكتني تكول ما مصدكه عندي اخت واني بعدني متوترة ومرتبكة ما متعودة عليهه وبس ابلع بريكي ..

كاعدين وجان نسمع عيطة رجت البيت رج بأسم مها .. كلنه كمزنا بخوف ومها عاطت بخوف : يمممممه هذا ابوووي .. وكامت تبجي وتضرب على خدها ..

طلعنا كلنا نركض متوجهين لبيت جدو وشفنه چياد طلع يركض من غرفته .. وجبران هم لاكاه يلبس بدشداشته وجراح ومروان هم طلعوا من غرفهم يركضون

هم طلعوا واحنا من الخرعه طلعنا نركض وراهم واني بالمقدمه الله يسلمني وحجابي شامرته هيج شمر شلون مجان .. جان يرجع علينه جبران ويعيط بينه : خيييير وين طالعات الزلم منا يلا امشن ولن للمطبخ وعلي التطلع اكص رجليهه ..

اني من الصدمه ولان فجأة هيج رجع علينه بقيت اباوع علي وارمش ما مستوعبه اجه وكف قرب عليه وكال هو صاك سنونه : كلت طبي جوة لا اطلع خبالاتي عليج وخراااج اعدلي ( قصدة الحجاب) بعد عليمن لابسته شعرج كله طالع والركبة تبض طالعه امشي ولي منا يلا ..

اني من الخوف ايد خليتهه على حجابي اعدل بي وطكيتهه ركضه للمطبخ البنات من اول ما رجع راحن للمطبخ بس اني اجتني الحالة الاستثواليه ..

براااااااا ....

واكف هو وولدة ويباوع للبيت الاشبه بالقصر بس مقسم لشقق وهو يتذكر شلون جان هذا البيت هو بيته الثاني ويكضي النهار كله بي وحتى اغلب الاوقات ينام هنا ..