في عنق جبران قلادة

الخرزة السادسة

الكاتبة : أساور الياسري 🖤

***********

روووووح گتلك ليش أخذت حچايتي !!!!!!
سوالفك والليل سلبن رااااحتي
دمعي طاح وعاذرك
ومن اصلي الخاطرك
(هيچ أگولن ربّي رجعه بداااعتي ☹💔

***********

وسام ..

بعد ما ردت خالتي ام تمار .. حاجهه واحد ويكولهه انو تمار بالانعاش وهو هذا صديقة جان ويااه من سووا حادث وهسه يلا هو صحى وتمار بعدة بالانعاش ..

خالتي انجنت وطلعت تركض من البيت بعد ما كللهه على اسم المستشفى واني نسيت او تناسيته حتى اوكف وي خالتي وطلعت اركض وراهه ..

بسرعة واني اركض سديت باب البيت ورحت اركض وراهه اريد بس اوكفهه نشوف تكسي نصعد بي بس هي خطيه مفرفحة .. وحتى بدون عبايتهه بس بالربطة ..

واني بالتراكسود مال البيت لحكت سحبت صاية خالتي معلكتهه ورة الباب لبستهه بس مسديتهه ما لحكت ..

واني اركض وراهه جان اشوف ثنين رجاجيل نزلوا من سيارة وراحوا بإتجاهاهه وكامو يحجون وياهه ..

وكفت واني اباوع للي ديحجون وياهه لحححضضة هذا مو اخووو مروااان .. خاف مشتبهه ..

لا ما مشتبهه هذا هووو .. الحقيير شجابه هنا وهذا منو الي وياااه .. لحضضضة شنو الفلللم هذا الي ويااه شايفته هماتين ..

بس وييين ويييين شايفته .. هذا كله واني افكر وشفتهم ديصعدوهه بالسيارة مالتهم ..

شدييصييير .. ايييييي تذكرت الرجال هذا شفته بالمستشفى .. بس شجمع هيج رجال لطيف وحباب بهذا الكائن الغير بشري ( هههههه ضحكتني 😂 )

حاليا اني بدوامة من التفكييير وبقيت صافنه .. لمن شفت التفتت عليه وشافني وعقد حواجبه بإستغراب بالبداية اعتقد تذكرني .. وبعدها شفت اخو مروان وكف يمه وهو يباوع يمي واكلني اكل بنضراته ونزل راسه على الرجال وحجه بإذنه شي ..

بعدين هذا الرجال ارتعش كل جسمه واللله شفته رعشت جسمه لان بين ارتعد جسمه وكام صدرة يصعد وينزل بسرعة .. باوعتله وهو يباوعله وشفت بعيونه حزن وحناان وأسسف والدموع غرغرت بعيونه ..

استغربت وضعه خاف بي مرض لو شي تقربت واني اباوع لأخو مروان الي بعدة ديباوعلي هزيتله راسي بتساؤل انو شبي عمك حاولت اتناسى الخلاف البينه وبينه واهتم بوضيفتي اني بقالي بس سنه يعني دكتورة الا شوية ..

قربت يمه وهو عيونه تتبعني لزمت ايدة وكتله : عمو شبيك يوجعك شي ؟؟

بقة يباوع عليه ونزلت منه دمعه فاجأتني واستغربت حالته ..

بس انصعقت وبقيت مسبلة اديه ومصدومة وماادري شسوي من سحبني من ايدة الي لزمته بيهه وحضني بقييت اباوع على اخو مروان الي تفاجأة وكال بصوت مسموع : عممي ..