في عنق جبران قلادة

الخرزة الواحدة والعشرون

السلام عليكم 🌻🍃

الكاتبة : أساور الياسري 🖤

عاد ودولي صوركم 💔
رايد أشبع شوف منكم 🥺
يل مشيتوا بلايه موعد 😢
كاعد لهسه بدربكم 😞

*****************
..

بدة يغني جراح وهو وي كل كلمه يأشر على واحد بيهن : واحد .. اثنين صدام حسيين

تلاثة .. اربعة بوش وربعة

خمسة .. سته مفتاح السكة

سبعة .. ثمانية مرگتكم باميه

تسعة عشرة مساعدتكم گشرة

بقوا يباوعون على الي وقع علي الاختيار .. طكوهه ضحكة چياد وأنس على شكل جرااح وايدة بعدة وهو يوكف الاختيار علي آخر شي ..

صاح بعصبيه : والللله غششش .. وحق الله غشيتوا

أنس وهو يضحك : ههههه ولك غير انت السويتهه ..

جراح دار وجهه زعلان : والله معليه المهم الأعرفة انو انتم غشاشين وما تستحون .. وغصبا عليكم أمشي

چياد بضحكة : ولللك يالخببل ما يصير كلنه نروح واني اريد اروح أشوف عمي شمران حتى أطمن علي ..

فتح حلكه بصدمة : واني شني من جلاب الگايله ما يكربلي عمك شمران حتى ما اريد اطمن علي وبس انت كلبك على عمك شمران ..

بقوا يتداهرون بيناتهم الى أن حلها چياد : زين شنو رأيكم نروح كلنه هسه وما نگل لأحد انو احنا رايحين لعمي شمران نروح واني أكول عندي درس حوزة بالنجف وحلفتي بوجهي اني رايح للنجف هسه ..

وجراح يغييب محمد يومين ويكول هو وياه طالعين لكربلاء يزورون لوجه الله على سلامة عمي وانت أنس شوفلك حي الله جذبة واطلع الضهر بما انو طيارتك وقتهه متأخر ونروح يوم واحد نشوف عمي ونرجع وهيج ما نكون كسرنا كلمة ابوي ..

صغرت الولد عيونهم بتفكير وي فكرة چياد وبعدها بلحضات هز راسه جراح بالموافقة و تبعه بثواني أنس وهو يغمض عيونه بقبول لهالرأي ..

طلعوا جراح و چياد وأكدوا علينه ما نكول غير الي كالو لا زيارة ولا نقصان .. رجعنا نمنا إحنا البنات وأنس بس طلعوا هم طلع ودة جنطته للسيارة بعد ما درينا بشي ..

كعدت الضهر كمت صليت وراسي احسه يريد ينفجر ما متعودة ابقى هالكد نايمه طلعت برة ورحت للمطبخ لكيت مها كاعدة وتساعد امي وعمه ام جراح بصب الغدة ووسام كاعدة على جهه تفلس تمر ..

دخلت يمهن ما حجيت شي منتضرة رزالة من امي على نومي للضهر بس جوابها جان اول ما دخلت رفعت راسها بلهفة وحب وكالت : ها يممه يرووحي صباح العافية .. شبيج نويمه للضهر خوما يوجعج شي ..

كتلها بحب واني اروح أكعد يمها وارفع ايدها وابوسها : صباحج النور يعمري .. ما بيه شي بس بليل بقيت كاعدة عالتلفزيون تأخرت يله نمت