في عنق جبران قلادة

القلادة 🖤🔗

هونك
اتهده ويـه گلبي
وبسك إتمرجح تره خويطة رفيع

#ڪاظم_اسماعيل_الكاطع🍃♥️

****************

وسام ..

بعد ما انغمى عليه وسمعت بيان صاحت بإسم جبران من صحيت جان كل همي انو اعرف بابا ميت لو عدل وحتى مالي حيل أسألهن بهالأثناء واني صاحيه بس احس حيلي مهدود مااكدر حتى افتح عيني وافكر شراح يصير بيه لو بابا صارله شي ..

طفرنا كلنا على عياط النسوان وهن يدخلن علينه يعيطن اني بحيل مهدود وبإيدين ترجف استندت على مها وهي هم لزمتني وتباوع عالنسوان بخوف وكلنا خايفين من الي نفكر بي ونرجف ..

وطبعا بلحضتها شفنه النسوان تباوعلنا مستغربة انو كاعدين عادي شفت عمه ام جراح ركضت لوحدة من النسوان اتذكر مرة كالت بيان هاي بت خال بابا لاطمة وجهي وتبجي حسيت رجليه بعد ما تشيلني تمسكت بإيد مها وكعدت عالقنفه ..

عمه ام جراح كالتلها بخوف : اسم الله خيه عليمن تبجين وتعيطين ..

المرية تبجي : عمت عيني شني ما تدرن بأبو أنس خفت روحي ودرس كلبي مييت .. وكامت تضرب على صدرها

للحضة توقف الزمن يمي وحسيت اذني كامت توش كمت ما اسمع شي برغم عياط نسوان عمي والبنات وبيبي الوكعت بالكاع وبيان التلطم على وجهه وتبجي ومها اللازمة بيبي وي عمتي ام جياد ويلطمن ويبجن هذا كله اني اباوع ومنتضرة احد يصحيني من حلمي الي اني بي ..

لكن هيهات يكون حلم النسوان بدت تترس البيت واشوف بيبي صدرهه وخدودهه يجرن دم وعماتي يلطمن والبنات يبجن والنسوان تباوعلي بنضرة غريبة لان بس اباوع بدون اي ردة فعل بس اتلفت واباوع بسكته وموقفه مخي حتى عن التفكير لان رافضة حتى فكرة انو اصدك انو مات ..

رحت يم بيبي اريد اسكتهه ليروح يصير بيهه شي واحاول اقنعهه انو بابا مابي شي وهسه راح يجي النسوان يباوعلي بشفقة ويبجن وعمتي ام جراح هي وبيان سحبني من بيبي وحضنتني عمتي وتكلي ادعيلة بالرحمة عطت بيهم بصرخة عاليه : هسسسسه يدخل بابا من هذا الباب وشوفو شلون مابي شي ..

للحضة واني اباوعلهن ومنتضرة بأي لحضة بابا يدخل ويصدق كلتمي ويكذبهن لكككككككن .....

تذكرت همسته الي اليوم وبهاي اللحضة بس تأكد كل كلامهم عندي وانو فعلا بابا فارقني حاولت اكذب الموقف أكثر لكن كلامه يتردد بإذني بي وما يأكدلي خليت ايديه على اذاني وكمت اعيط برفض لتفكيري حضنتني عمه ام جراح وهي تبجي ..

كمت ماادري شسوي بنفسي الطم او اصرخ لو شأسوي ما أدري شسوي بروحي يعني اني كلشي جان الي بالحياة هو جدو وخسرته أمي حتى صورة ما عندي الها وبحياتي صوتهه مسامعته وبابا الي ما لحكت اشبع من كلمة بابا واني اكوله بيهه هسه هم فقدته ..