في عنق جبران قلادة

الخرزة الثانية والعشرون

السلام عليكم 🌻🍃

الكاتبة : أساور الياسري 🖤

مو گوه المحنه
الگوه ماتنراد
ياا محلئ النفوس بكيفها من تحن 💔😢

***************
مها ..

بعد ما اطتني وسام السلاح واخذته منها وطلعت جان يتجمد جسمي واني اشوف سيد جابر ردت امووت بمكاني رأسأ سحبت العلاكة خليتهه ورة ضهري واني شنو بكلبي كمت اتشاهد ..

وموتني بمكاني من كال : اوكفي شني هذا البيدج ؟؟

بلعت ريكي وما عرفت شأكول بقيت ساكتة .. رجع عاد سؤالة وهالمرة رفعلي حاجبه : احاجيج اني شني هذا الضميتي ورة ضهرج ؟؟

حسيت راح اوكع ويغمى عليه خاصة من شفته تقرب يمي كللش ردت اموت بقيت ساكته ولا فتحت حلكي ..

عاد سؤالة وهو يخلي وجهه كبال وجهيي نشف دمي من الخوف من صوته الهامس : أخير مرة أكلج شني هذا الضميتي ؟

ماادري شأكول للحضة من الخوف حركت ايدي اريد اطي المسدس بيدة بس صوت وسام الي سوت نفسهه جايه من غرفتنا ..

وكفني وهي تكول : مههها شلتي ستيا.. من الحما... وقطعت حجيهه وهي تشوفه ومثلت انو تفاجأة بوجود السيد ..

يممه ردت اموت وهو من سمعهه حرك حواجبه بإنزعاج ودار عليهه وخزرهه اعتقد لان حجت هيج كدامه ..

باوعتله وكالت : اسفه ماادري بيك هنا .. وهم انطته خزرة واجت تقربت يمي وكفت ورة ضهري وكالت : خوش انتي ماخذته واني أدوور علي شكد عيب هيج شايلته بعلاكة شفافة شنو الفايدة بعد خل الفه انطيني لا يجي احد من الولد ..

نزلت حجابهه من راسهه وخلتهه عالعلاكة ولفته لف وخلته على صدرهه واخذته ومششت ومن طلعت من الباب شفتهه غمضت عيونهه ونفخت هووى براحة ..

ردت اتحرك ما كدرت رجليه بعدهه بايدة من الخوف ما توقعت اطلع منها بسلامة اببد .. هستوني ردت امشي ووقني صوته وهو يكول بنبرة ماادري لمست بيها ضعف على حزن على اشياء ما لسيد جابر ..

كال : اذا أسألج على شغلة تبقى بيناتنه ؟؟

اخذت نفس بخوف هاي اول مرة احجي ويااه ومواقفة الي شاهدتهه اله وي ولدة واحفادة مااضن اكو بشر يسويهه وما تسمح لأحد انو يشيله حب او ود بكلبه ..

التفتت علي واني عيني بالكاع كتله : تفضل ؟؟

كال بهمسه بيهه رجفة : حبوبتج شلون ماتت ؟؟

رفعت راسي علي واني اتذكر ردة فعله من عرف بيهه متوفيه وشنو سبب سؤالة هسه عنها .. كتله : تمرضت وتوفت ..

غمض عيونه وبلل شفايفه برجفه ورجع فتح عيونه وكال : شني مرضهه وشلون تمرضت ؟

عقدت حواجبي بإستغراب وشك بنفس الوقت من الحاحه على الموضوع وكتله : بسرعة بسرعة تمرضت وكام يصعد ضغطهه وما قبلت تروح للطبيب الى ان صعد ضغطهه وضربتهه جلطة وماتت ..