في عنق جبران قلادة

الخرزة الثالثة والعشرون

السلام عليكم 🌻🍃

الكاتبة : أساور الياسري 🖤

- عن كمية الشوق يلي كانت بقلب ميريام فارس وقت قالت :
اوبا نينا رينا مناري نارا من ناري نارينا من ناري نارا 💔🌚!

اندمجت وي السطر الأول وتحمست بزااااف للأغنيه وشنو ممكن تكول كعدت اتخييل لمن وصلللت كلشي ما فتهمت بليييز الي فاهم يفهمني 🙄☝️☝️

***************
جبراان ...

طبعا بعد ما عمي سوة العملية وتجحت الحمدلله ودخلوا للعزل الصحي وهذا يستمر من سنه ونص الى سنتين العزل الصحي خلي عسى ما عشر سنين المهم يبقى موجود ويانا وهذا كافي ..

وطبعا حاس بملل مو طبيعي أحس اريد انفجر حتى الولد المترجم الجان وياي ورة يومين من عملية عمي رجع للعراق وخله بمكانه ولد تونسي يترجملي بالفصيح اذا احتاجيت ارزح للمستشفى او مطعم ..

اروح للمستشفى مرتين تلاثة باليوم بس مجرد اشوف عمي من الشباك وارجع يعني حتى ما ادخل علي او احاجي اذا اريد اخاجي اخابرة واحجي ويااه وباقي الوقت كله بالفندق حتى مالي خلك اطلع ولا اعتب باب الشقة لان وحدي ..

انووب فووك ضيمي هذا كله مدري منين ما منين ورة هذا الوكت كله طلعتلي وسااام اااااخ من وسااام ما تمر لحضة اذا ما تخطر على بالي واحس كلبي طاك على شوفتهه وعلى صوتهه وضحكتهه الطيرت النوم من عيوني ..

والله العظيم كل ما تجي على بالي وهاي الحالة طبعا بالدقيقة عشر مرات كل ما تجي ببالي اصفن واكول هسه يعني اني يا دووب صار شهر او اكثر من عرفتهه شايللهه هاي كمية الحب الي بكلبي لييش ..

يعني جنت اني من اسافر او اطلع لمكان صح اشتاق للكل بس ما يفرق عندي بشكل جبير بس جنت أكثر شي اشتاق لحبوبتي ولعمي شمران وهسه عمي شمران وياي يعني بس حبوبتي بعيدة عني بس هسه حتى حبوبتي احس كل ٣ ايام يلا تجي على بالي شنو الكارثة..

اليوم رحت لعمي شمران الصبح شفته من الشباك بس شنو اليوم من دوون الاياام وجهه مبتشر ويضحك اني تلقائيا ابتشرت وضحكت وي ضحكته وهو أشرلي عالموبايل عود يريد يحجي وياي ..

بنفس اللحضة اهتز تلفوني بجيب السترة .. طلعته من السترة هو عمي جاي يدك عليه جاوبته مباشرة واني مبتسم لضحكته : عسى دووم الضحكة يالغالي .. شكو اليوم بشرنا من صاحب الشرف انو كدر يرسملك ابتسامتك الحلوة هاي ..

كال وهو أسارير الفرح تنفح من وجهه : وساام درت بكلشي وعرفتني بريء جبرااان تصددك انو وسام البارحة ولأول مرة اسمعهه منها تكلي بابا كالتلي بابا والله سمعتهه بإذني كالتلي بابا ..

وسعت ابتسامتي اكثر وي ضحكته الي تجبر المقابل يبادله نفس الفرحة وبنفس الوقت حسيت كلبي انعصر وحسيته يريد يطلع من مكانه من كد ما مشتاقلهه ..