في عنق جبران قلادة

الخرزة الثامنة والعشرين __ 2

زينب ..

طلعت من يم وسام بعد ما عجزت منها ما راح تحجي رحت لكيت بيبي وامي جاي يتعاركن وصلت يمهن سمعت امي تحجي ..

امي : والله قبل لا تحجين عليه شوفي احفادج الي كاعدين يتمعشكون بالغرف ..

بيبي لازماتها عمه ام جراح وهناء تريد تهد عليها وتحجي بعصبيه : ولجن تيهني عليها خل اوذرهه خايبه يالخايسة يالخامرة رجلج اخرب بيتي البارحة اجه مرت اخيه تسويله اكله وانتي مهمودة بحجرتج من عساج ما كمتي من همدتج لو تستحين ما تسوينها ..

امي ضاجت كالتلها : لا تديرين السالفه عليه حيري بأحفادج واذا تردين اشوفج الص..

قاطعتها بيبي بعصبيه : دنجبي دنجبي امشي انكلعي عن خلقتي ولو صدك يوم المنا هيج واشوفهم معرسين ما اتمنيته اله الهه وما تمنيتهه الا اله ..

بس انتي تدرين شني دودتج عبنج كتلتلي روحج على وليدي عمت عيني وهو ما يريدج وروحة طافرة منج مدري يا منعول الصفحة داعي علي بحركة كلب حتى بلااه بوحدة مثل من عساج بالمرض الينهش عضامج يالحقودة ..

امي حسيتهه انقهرت وراحت بدون ما تحجي ولا كلمه ..

بيبي كامت تستغفر ربها لان غلطت وعمه تحاول تهدي بيها لا يرتفع ضغطها اخذتها عمه ام جياد وهناء لغرفة بيان ترتاح بيها هستوني ردت امشي وراهن ولزمتني عمه ام جراح من ايدي ..

التفتت عليهه شفتهه عيونه ممليه دموع وتباوعلي ..

ارتبكت عرفتها شتريد تكول كتلها بربكة : ها عمه ..

كال وهي تمسح دمعتهه النزلت على خدهه : بحياتي كلهه ما طلبت منج شي بس هالمرة لا ترديني ابوس ايدج .. وهي تسحب ايدي تريد تبوسهه

بسرعه سحبت ايدي بربكة وكتلها : العفو عمه استغفر الله كولي عمه شرايدة ..

نزلت دمعتهه وكالت : فدوة عمه طيبي خاطر جراح بحجايه عمه ماادري ليش هيج نافرة منه بس والله جراح يموت عليج ويتمناج من الصغر وما يستاهل الجاي يصير بي فدوة عمه لخاطري هالمرة ووالله بس جربي عاملي زين وشوفي شلون راح يخليج تموتين علي بس اطي فرصة ..

انحرجت كدامهه شدراهه اني نافره منه اكييد هو كايلهه شكد نقال حجي لعد .. هيج يحرجني كدام امه كتلهه بربكة وخجل واحراج : انشالله عمه وعفتهه ورحت بس عمه ..

وسام ..

كاعدين بالمطبخ نتريگ اني وزينب وبيبي احسها تتفحصني بنضراتهه و جنها تعرف شي بس ما حجت شي وبيان بالصاله يمها النسوان جايات يباركن اجن من الصبح قبل لا نكعد احنا حتى ..

كاعدين ودخلت علينه مرية يعني متوسطة بالعمر ومبينه يعني بدوية او عربيه ( مو استقلالا بيهم لا عمي انه مرة عربية وافتخر 😁♥️😎 ) من طريقة كلامها كالت صباح الخير كلنه ردينا عليها صباح النوم كل الهلا