في عنق جبران قلادة

تعريف الشخصيات

********
جبران ..

عمري ٣١ سنه اني قصتي قصة بس ما راح احجيها الكم راح ترفون تفاصيلها بالاحداث .. اني ضخم .. عيوني عسلياات طووخ .. اكثر شي يميزني هي دائرة الشيب الي بلحيتي .. هي عندي مثل البهاق بهذا المكان فمن يطلع الشعر فوكها يطلع ابيض ..

اني عصبي بس مو كلش لا بس بوقت ما ينداس ببطني اعصب واني حنون بشكل مو طبيعي واغلى شي عندي بحياتي مروان اخوي هو محور حياتي كلها اباوع لله واباوعله هو بس .. اني متخرج بس ما متوضف لان ما محتاج الوضيفة بس الاراضي والورث الي ورثته من ابوي يعيشني ١٠٠ سنه ليكدام ..

أنس ...

اني أنس بچر ابوي عمري ٢٤ سنه متطبع بأطباع جدي بشكل مو طبيعي بحيث عندي الشرف هو العباية والبوشية واني متسلط مثله واحب دوم افرض سيطرتي على زينب واحكمها بالطبه والطلعه ..

اني اكثر ما يميزني غمازتي ومابيه فد شي مميز غيرهه واني ادرس طب مرحله رابعه مثل ما تعرفون وراح تتعرفون عليه اكثر بالجيات ..

چياد ..

اني مثل ما تعرفون عمري ٢٣ سنه ادرس بالحوزة.. اني صح ادرس بالحوزة بس مو من ذولاك الي يعتبر الكلمه وي البنيه حرام او يستحرم ما يرفع عينه بعين بنيه لااا اني الف الحمدلله مصلي مسمي اصوم اذكر ربي بكلشي وافكر برضا وبغضبه قبل كلشي وما عاصي ربي ابد ..

بس لا احترم السافرة واحترم ام العبايه وامشي يومي بشكل طبيعي .. واني طبعا دخولي للحوزة مو من البداية لا جنت ادرس قبل هندسة اتصالات بس حولت بعدين لاسباب راح تبيين بالجايات ..