في عنق جبران قلادة

الخرزة الخامسة والثلاثون

الكاتبة : أساور الياسري 🖤

تقـول أحـداهن:-
‏حين مات والدي، عرفتُ أن الأمان في قلب عائلةٍ كاملة.. هو شخص."☹🧡
اصدق وصف قيل في فقد الأب:
" الحياة بدون أب تشبه الوقوف طيلة العمر في منتصف غرفة لا يسمح لك بالاستناد على شيء"
جبر الله قلب وسام و قلب من فقد الأب 🖤

****************

اعرف متأخرة حييل بس عوضتكم بهذا البارت 10200 كلمة يعني لا تبخلن عليه بتعليقاتجن وتصويتاتجن التفرفح كلبي 😚♥️♥️

يابه نجحت الاولى ماكو مبروك حتى لو ضايجااات مني بس هم باركلي افرح بيها حتى لو اني كتلجن بس يلا مغبولة 😬😅❤

****************

جبران ..

طبعا بعد ما اجتني الرسالة من رقم غريب مكتوب بيها " سلاحك بين ايديا وي صلاة الفجر تعال ل..... اتانيك هناك اريد احجي وياك والا اروح اسلمه للشرطة وتروح بيها "

استغربت الوضع وخاصه انو وضعي هسه بعد رد وسام من رفضتني بوضعيتي وصدمتني بيها ومو مال افكر واخمن منو هذا بصراحة او ما خطر على بالي عبالي جدي وهاي لعبة جديدة منه اتصلت عالرقم يطلعلي مغلق ..

شوية واجتني رساله من نفس الرقم مكتوب بيها " تعال للمكان الكتلك علي الصبح وتعرفني منو ترة سلاحك طلعته من بيتك ومن غرفة جدك وهسه بيدي يعني لا تحاول تسوي حركة هيج لو هيج "

جبتها منا رجعتها منا ماكو غير جدي حاولت اتناسى موضوع وسام وافكر بالسلاح واركز بي لانه اهم من موضوع وسام بس مو اقسى واوجع من كلام وسام على كلبي واصلا من الاصل بعد ما يهمني اذا فعلا انسجنت بس خوفي هسه على مروان ..

انتضرت لليل كلش لمن كلهم نامو ودكيت على مهيمن هذا صديقي من الابتدائية احنا سوة بالمرة هم يتيم وما اله احد وعم كام يشتغل بالكاع هناك مخلينه بيت عدنه عايش بي الثالثه رد عليه كتله تعالي للبيت بس بدون محد يحس بيك تانيني يم الباب الجبير وسديته منه ..

وضليت حاير شلون راح اكدر اكوم باوعت شفت الكرسي بعدة بالحمام اوووف استغفر الله يا ربي هذا شلون راح اجيبه سمعت حركة يم الباب خفت لا يكون واحد من الولد سويت روحي نايم بس سمعت صوت مرت جياد كلت ايي اجت والله جابهه ..

صحت بصوت مرتفع بإسمهه وبنفس الوقت على كيفي حتى لا ينتبه احد غيرها والله نبهه الي وسمعت دكه عالباب صحت بصوت : فوتي خوية فوتي ..

دخلت بكل ادب وحجابها لافته لفه كامله وتسحب بالردان مالتها تغطي جفوف ايديها بخجل وادب ومدنكة راسها شكد احبها و احترمها مؤدبة بشكل يليق بجياد ..

رفعت راسها وكالتلي بأدب : آسفه بس يمكن سمعتك صحت عليه ..

كتلهه بإبتسامه متجرعهه كوة : اييي خوية بلا زحمه عليج بالله شوفيلي يمكن اكو عربانه هنا بالحمام مال حبوبتي قديمة عود اصلحها ونسيت بالله جيبيلياها شو رجلي متشنجه ومااكدر اكوم واريد اكعد علي امرنها الدكتور كالي كلساع مرنها ..