في عنق جبران قلادة

الخرزة التاسعة والعشرون

السلام عليكم يبا 🙈♥️

الكاتبة : أساور الياسري 🖤

تفارگنة وتأكدت ...
الموت لا ينلغي ولا نگدر نأخرة ... !!
والوكت ما ينفهم ...
يتقدم بغيبتك لو يرجع ليورة ... !

************
جبران ..

التفتت بإستغراب للصوت وهل انو اتوهم او فعلا هو موجود هنا اول ما درت وجهي شفته واكف بهيبته المعتادة وايديه ورة ضهرة وابتسامته نفسهه على ثغرة مثل كل مرة من يذكرني بالحادث ..

كتله بصدمة من وجودة : شيخ !!

رد عليه برفعة حاجب وابتسامه : ما كتلي شيصير اذا صاحبة هاي الخصال الحسنه درت بيك قاتل مجرم ..

كمت بهدوء واني انفض هدومي وما مهتم لكلامه ولا هزني .. وكفت كدامه ورفعتله حاجب مثل ما هو رافع حاجبه وكتله : تروح وحدك لو اروح وياك ..

ضحك بسخرية وكال : ههههه من يمته ؟ ما عرفتك شنو هالثقة التحجي بيها بس سهلة ما يهم نشوف الدكتورة شنو رأيها بالموضوع

باوعتله بفضول : اموت واعرف انت شراح تستفاد من كل هذا ؟؟

رد ببرود : مو مهم شأستفاد المهم اعرف اذا الي سمعته صحيح لو لا ؟

كتله : شسمعت بالله ؟

رد عليه وهو مبتسم : انو مقابل المخدرات العند الولد الكتلته ردت تبيع شرف بت عمك شمران اله ..

ركزت عيني بعينه وكتله السؤال الي ببالي من زمان : انت ما تخاف انو بيوم من الايام راح تكون بمكانهم .. واني أشر على كبر امي وابوي .. بذاك الوكت شراح تكول لرب العالمين بذاك الوكت وانت حارك كلوب هاي الناس كلها وظالمها ..

حسيت كلامي أثر بي لان اختفت ابتسامته وعيةنه كامت تمزر بيه درت وجهي ببرود ولا مبالاة ودنگت على كبر ابوي وامي وحجيت بصوت مسموع اريد اسمعه : ادعيلي يمه بالتوفيق رياح منا اخطبهه من عمي شمران واتزوجهه بأقرب وقت واجيبها الج ..

بست الكبر واخذت سويجي وطلعت من المكبرة متوجه ازور الامام علي ومناك اريد اطلع لكربلاء احس مشتاق للامام الحسين والامام العباس صار فترة ما رايح ازورهم ووراها اروح لعمي شمران اخطبها وشيصير خل يصير ..

( حتى احنا گلبنا طاگ على الامام الحسين والامام العباس مو بس مشتاقيلهم 💔😭 )

سيد جابر وهو يحس اطرافه رجفت من كلام جبران وهو هذا الشي الوحيد الي شكد ما يحاول ما يخلي يطري على باله خاف يتراجع ..

بسرعة طلع الموبايل من جيبه وهو يوكف التسجيل ويحفظ التسجيل ورسم ابتسامة على وجهه وهو يتخيل نتيجة ..

وهو يتذكر بعد ما راح من يمه الولد وكعد يبجي وورااهه كام وامر السايق يجيبه للنجف وراح لمكبرة بيت ادريس وراح لكبرها وهو يشوف اسمها مكتوب عالكبر كعد يم الكبر وبجى الم الاشتياق وبعدها كام راح لمكبرتهم وشاف سيارة جبران وطخت بباله فكرة ابتسملها ودخل ينفذها ..