في عنق جبران قلادة

الخرزة العاشرة _ القسم الاول

الكاتبة : أساور الياسري 🖤

***********

زعلآن لو مشتآقلج بيش آبدي ؟
بـ فرآك وجهج لو معزتج عندي
يوميه آطلع صورتج و آصفن بيج
من وجهج آتخيل ملآمح ولدي، 💔😞

************

تلاثتهم التفتوا لجراح الواكف بصفهم وقاطع كلام ابو غيث وهو يكول : ياابه بت عمي الي واني هسه انهي عليهه ..

كام شيخ جابر على حيله وعاط بي بعصبييه : جراااااااح شجاي تكول شلون تنهي عليهه ...

جراح تقدم يمهم ووكف بالصاله وهو يحجي بثقة وعصبيه بنفس الوقت : شنو عندك مانع شيخ بت عمي ورايدهه الي بيهه شي يا جماعه .. وهو يتلفت ع الكاعدين ... بيهه شي عمي وهو يوجه كلامه لابو غيث ..

ابو غيث ويحجي بأصله : لا عمي ما بيهه شي والله يهنيكم وانه ازفك بيدي لكن شاهد الله ما جان عندي علم ..

شيخ جابر يباوعلهم ورافع حاجبه : كملتوااا مسامركم .. لعد سمعوا الحجاية من اخرها البنيه ما تصير لجراح لو يموت ومحد ياخذها غير غيث .. لان لو ما راغبهه ما يخطبهه واني ما اكدر اكسر خاطرة واطيها لغيرة ..

جراح ..

من دخلنا وسمعت كلامهم حسيت كلبي راد يوكف مستحيل يكون الي جاي اسمعه صح .. مستحيل اخلي زينب تروح من ايدي كل هذا الوقت ومن وعيت عالدنيا اني احبها وعيني ما شافت غيرها واخاف عليها من الهوا ..

بدون خوف وبدون تردد حجيت ونهيت عليهه لكن الي صدمني جدي توقتعه ما راح يعارض الموضوع لان احنا شيوخ وسادة وماشيه عدنا النهوة ..

بس الفاجئني وكسرلي جناحتني وخيب املي انو يخاف لا يكسر خاطر غيث وما يخاف لا ينكسر كلبي وهو يدري كلش زين انو اني ما انهي عليهه اذا ما احبهه ..

بقيت اباوعله ومصدوم مااعرف شكله .. الى ان حجى أنس بعصبييه : جدي شتكول انت شنو تصير لغيث .. هايهيه جراح نهه عليهه واحنا ماشيه عدنا النهوةوجراح اولى بيها من الغريب ..

عمتي ام أنس صاحت بي لان كال الغريب على خاله : اننننس تأدب .... واحترم خالك ولا تكول غريب

قاطعهه جدي وكاللهه وهو يحجي ببرود واني النار تاكل بكلبي : عوفي عوفي عود يريد يعلي صوته ويسوي مكان لروحه .. هه من تالي الوعاطيط كامت تحجي وتقرر .. بالله ياااا دكتور انس اريد اشوف شلون تمنعني ما اطيها لغيث ..

أنس وهاي مو اول مرة يوكف بوجه جدي دائما اذا يكون الموضوع مو مرضي اله يوكف بوجهه .. كال وهو يرد الحجايه بوجه جدي : اي لمنعك لانها اختي قبل لا تكون حفيدتك وسعادتهه وراحتهه يم جراح وهو اولى بيها ومحد يدير باله عليها مثله ..

جدي متكف ويباوعله وكأنما منتضرة يكمل بعدين دار وجهه على چياد وهو يسمعه يتدخل ..

چياد : جدي اول شي النبي كال اذا جاءكم من ترضون دينه وخلقه فزوجوه .. وجراح ما عيزو شي وابن عمهه ورايدهه ..