في عنق جبران قلادة

الخرزة الرابعة والعشرون

السلام عليكم 🍃🌻🙄

الكاتبة : أساور الياسري 🖤

مافكرت بيه ؟
ماصار عدك نقص !
من فجأه تترك شخص وياك يوميه
من توكع بمشكله
ماترجع الذاكره وتحتاجني شويه ؟

*****************
بياان ..

كلنا مخبوصين على جراح ووسام طلعت تخابر وما رجعت بقى كلبي يلعب .. بدون محد يحس سحبت نفسي من بينهن وطلعت ..

رحت للمطبخ ما موجودة سمعت صوت جاي من الحدييقة طلعععت وجان المكان اضلم بس اشوف وسام لان قريبه على شباك المطبخ وعاكس عليها الضوة مالته وكدامها شخص ما مبين منه شي ..

مديت ايدي بخوف للدكمة مال البلوجكتر الي بباب المطبخ اشتعل البلوجكتر وشوية شوية بدت تبيين ملامح الشخص الي كدام وساام فتحت عيوني بتفاجأ ..

وصحححت بصوت شوية عالي من الصدمة : جبرااااااااان !!!!!!

التفت على صوتي هوا وابتسملي وكال : ايي جبرااان هههه شبيجن مصدومات احد كايللجن اني ميت وهسه طلعت من الكبر وهيج مصدومات بشوفتي ..

حتى ما كدرت اردله الابتسامه كبل عيني راحت على وساام الي تباوعله وهي ما مصدكة وتباوعله بصدمة ومن سمعته حجة عيونها دمعت بفرحة وبينت سنونها وهي تضححك من گلب بفرحة ..

حاولت انبهه وتنتبه لنفسهه قبل لا ينتبهلهه جبراان .. رحت يمهه وهو عينه تمشي وياي الهه لمن ثبت عينه بعينهه واخذ نفس بكل قوته عبالك هستوة تنفس ماادري ليش احس جبران يحبها مثل ما هي تحبه ..

على كل قوة وسام وعنادهه وكرامتهه الي عدهه اغلى من كلشي .. لكن بهاي اللحضة غلبتهه عاطفتها وشوقهه ولهفتهه اله ونزلت دمعتها وكالتله بلهفه : جبرااااان ...

غمضت عيوني بإحبااط وخليت ايدي على عيوني خاف يجرحهه ويذكرهه بذاك اليوم من اعترفت بحبه وينفر منهه وهم ترجع خطية لحالتهه بس الصدمة جااانت برد جبرااان ..

رد عليهه ونفس اللهفة الي بصوتها واضحة بصوته : عيوونه ....

( يبووووووو يبوووووووو للله الدنيا مو مال احد هلاااااااااااااااااا 💃💃💃💃💃💃💃 )

اني شايفين هذا اليطلع بأفلام الكارتون من ينصدم من شي من يدير ركبته بسرعة وبصدمة ويفتح عيونه على وسعهه من الصدمة .. هاي جانت حالتي بالضبط وخرت ايدي من عيوني والتفتت علي بصدمة اريد اتأكد من الي سمعته 😳😳

التفتت على وسام اريد اتاكد من الي سمعته شفتهه مثل حالتي تباوعله بصدمة وحسيتهم ناسين وجوودي تمام لان هو ما حرك عينه من عينهه وهي ما حركت عينهه من عينه ..

التفتت على جبران شفت عيونه ممليه دموع لا ما اصددك جبران ما شايفته يبجي بس من تخربط عمو ذاك اليوم يمكن شفته بجى من اجته الحالة وقبل كم سنه من انجلطت بيبي ..