دراويش

دراويش ١٣

#دراويش
بقلم #روز_الفياض
ح١٣

#حبك كبير جدا في قلبي .. لدرجة ان لامكان لاحب احد غيرك ..

بعد مرور ثلاثة ايام على وصولي للعراق قررت اروح ازور قبر امي وعرفت اهل غازي هم بعدما لاكين جثته في احد المقابر الجماعية ماخذيها دافنيها يم اهلهم ..
ابوي :
تريد اروح وياك ؟
فؤاد :
لا يابه لا .. تتعبت انت متتحمل .. اني اروح ..
ابوي :
متندل .
فؤاد :
عادي ... اسأل .
ابوي :
لا لا .. متروح وحدك .. عالاقل خلي فراس ياخذك ..
فؤاد :
لا عليمن ... قابل زغير ومااندل لو تخافون علي .
ابوي :
طبعا اخاف عليك ... ادري غير ابني ..
فراس يروح وياك بلا عناد ..

ضحكت على سوالف ابوي وسكتت .
ثاني يوم كلي فراس :
هاا شرايك نروح اليوم للمقبرة ؟
فؤاد:
اي .. يمكن اليوم اروح مادام اليوم جمعة وبعدنه باول الصبح .
فراس :
اي اني اخذك انت وحدك متندل .. اذا بيك حيل اليوم جهز نفسك فد ساعة ونطلع حتى براحتنه ..

باوعت للساعة بالستة ونص كتله :
ماعندي شي ابدل ملابسي ونتوكل على الله .
فراس :
واني هم راح اروح ابدل ..

بدلنه وجهزنه وجنت مدنك البس الجواريب واندك الباب حيل ..
طلع فراس واسمع صوت سلام ومباوس ..
وخرت البرده باوعت من الشباك شفت محمود ودريد ..
اتفاجأت طلعت بسرعة استقبلتهم ..
محمود :
شني عمي نايمين للظهر ..
فؤاد :
ههههه ظهريش متكولي تونه مصلين و متريكين .
دريد :
اي بعد محمود يكعد كبل الذبان ههههه .
محمود :
وين مبدلين من الصبح ؟
فراس :
ههههه هسه احتارينه وياك صبح لو ظهر هسه ههههه ؟
محمود :
هههه لا حسب انتم وين رايحين .
فراس :
اتفضلوا .. اتفضلوا ..

دخلوا للبيت وكعدنه نسولف وشربوا جاي ..
فؤاد :
وين جنتوا ؟
دريد :
بالبيت جنت ... يم محمود البارحة سيرت عليه وبتت يمه على اساس انروح لغازي ...
كال محمود خل نمر على فؤاد ناخذه ويانه ..
محمود :
رحت لو بعدك مارحت ؟
فؤاد :
هسه جنه رايحين اني وفراس ... ردت اروح وحدي بس الحجي ميقبل يكول متندل ..
محمود :
عمي انت فدائي شني رايح ابحدك ؟ مو كنالك بس تطلع منا لهنا يكتلونك لو يخطفونك ..
جا المن انه مخلي زلم اثنين بالباب اذا تريد تروح وحدك ؟ صدك جذب ؟
ابوي :
اي والله صح لسانك .
محمود :
اي حجي انت كيفت هسه عجبك الحجي جنت ساكت كبل ها ههههه .
ابوي :
ههههههههه شسوي مياخذ الحجي عنيد راسه يابس .
محمود :
جا يالله امشونه عليمن نتعطل بعد كومولنه ..
وانت عمي ماتروح ويانه ؟
ابوي :
لا بابا انت روحوا اني مااروح واعوف البنات .
فراس :
لا اني ابقى وروح انت ؟
ابوي :
لا بابا لا تعرفني اني مااكدر ومااتحمل الطريق روحوا الله وياكم .
محمود :
عمي كلكم امشوا البنات ماعليهن شي غير اكو حراس بره شعليهن بعد قابل زغيرونات ؟
ابوي :
لا ميخالف .. انتو روحوا اني مااكدر اروح يبقى بالي مشغول عليهن وعالجهال مااكدر افاركهم ..
محمود :
براحتك ..