دراويش

دراويش ٣٣

#دراويش
بقلم #روز_الفياض
ح٣٣
.
.
.

اسألك أن تلهمني مكاناً أخبأ فيه قلبي،أنـا يا الله يهزمني كُل هذا القلق..💔
.
.
.
ماادري بنفسي من دفعته جرحته بأظفري .. كمز من مكانه عبالك طلقة مو خدش ..
شلون واحد جان متحمل ويريد ينفجر بس يريدله حجه ..

سطرني سطره على وجهي رأساً لزمت اذني من قوة الضربة ..
اذني ماادري شصار بيها الم مو طبيعي ..
والضربة الثانية والثالثة والرابعة والخامسة و و و و و ..
كف وره كف اريد الحك اغطي وجهي مااكدر ..
اريد اتنفس مااكدر ..
ظليت بس اصرخ وباب الغرفة مقفول وسيف بره يضرب بالباب ويبجي :
ماما .. فتحي الباب ماما .. بابا لتضربها .. ماما ..

كريم :
عبالج نسيت حجيج ذاك اليوم هاا ؟ هاا ؟ عبالج نسيت ؟؟
تتفلين علي كدام الضابط ؟؟ ولج انت منو حتى تحطين راسج براسي؟
كم مره كتلج ادوسج وادوس على راسج بالقندرة ؟ بس متصدكين متصدكين الا اسويها صدك .
آمنة :
كافي ..  كريم .. كافي .. آآخ ..

سحبني من شعري للكاع ..
خله راسي عالكاع وخله رجله وهو لابس الحذاء على راسي ..
كريم :
هاا ؟؟ زين هيج ؟؟ عرفتي هسه منو كريم ؟؟ مو اني محترمج جنت ليش تخليني اهينج ؟؟ متكدرين على كريم لو مو تصيرين دكتورة .. ولج اني بتليفون واحد امحيج من الوجود انت وابوج هذا المخرف واخوانج البريكية ( بريكي = كيكي ) وعشيرتج السگط ... لج انت حشره ... حشررره .
آمنة :
ابني كريم ... ابني يبجي بره كافي ... ابني يخاف ..

راح فتح الباب لسيف :
تعال شوف امك شلون طايحة حظ ..
شوف شلون دست على راسها بالقندره حتى تعرف حجمها ومتصدك نفسها دكتوره هههه .

كعدت ومسحت دموعي .. اجه سيف ختل بحضني ..
سيف :
كتلج عوفيه ولترجعيله .

رجع لزم سيف من قميصه وشمره يم الباب شمره خلتني افقد عقلي الا شوية ..
ركضت على سيف لان انضرب وجهه بالايد مال الباب وصرخ ..
حضنته وظلينه نبجي اثنينه ..
كريم :
ومرض حتى مرض ... تردين تطلكين مو ؟منو ياخذج انت اذا اتطلكتي ؟ منو ياخذج ؟ تظلين بايره محد يكلبج .. حمدي ربج اني صابر عليج ومتحملج ..

اذني من ضربني عليها عبالك سيخ حديد وخلاه بيها .. ويحجي ماادري شيكول الالم ساطرني كلمة اسمعها وكلمة مااسمعها ..
بس سمعته كال الجملة الاخيرة ..
آمنة :
محد جابرك تتحملني .. لو بيك خير طلكني ..

لزم سيف جره من حضني ودفعه عالجرباية ورجع اخذني من شعري لحد الدرج ودفعني عالدرج كسر عظامي ..
دخل للغرفة جاب حزام  وربط ايدية اثنيهن عالمحجر مالت الدرج ..
ربطني عالمحجر وطلع ..
بقيت الليل كله ابجي من الوجع اذني الم فضيع وسيف يبجي يمي لحد منام على رجلي ..
عيوني ورمت من البجي بذيج الليلة واني اناجي ربي شمسويه عندك ربي وتعذبني هالعذاب ..
ربي انت لاتكلف نفساً الا وسعها اني هذا فوك طاقتي ..
بعد مااكدر اتحمل .. مااكدر ..