دراويش

دراويش ٥٢

#دراويش
بقلم #روز_الفياض
ح٥٢
.
.
.

#ضحكنه ..
وصاح حتى الميت افيش ..
.
.
.
اتمنيت ابقى اكثر لكن مردت اكون ضيف ثقيل رجعت ثاني يوم الصبح لاريزونا بعد مقرينه الفاتحة ..

اتصلت على ابوي :
تره اني خطبت .
ابوي :
هاا ؟
فؤاد :
خطبت .. خطبت ههههه .
ابوي :
اه .. جذب مااصدك بيك انت تريد تقشمرني .
فؤاد :
ههههههه ليش متصدك ليش اقشمرك ؟ لا والله خطبت ..
ابوي :
ياالله .. اي .. اي .. هاي الاخبار الزينة وينها جنتي انطينياها خل اباركلها .
فؤاد :
هههههه مستعجل اكثر مني .. مو هنا اني البارحة رحت شفت سيف وحجيت ويه اخوها وويه سيف هم ووافقوا ..
ابوي :
اي الحمدلله .. الحمدلله .. الله يوفقكم ان شاءالله انت طيب وهي هم بت اوادم وطيبة .. الله يوفقكم .
فؤاد :
راضي يابه ؟
ابوي :
اطلع متعافي اذا ماارضى .. انت مرتاح وسعيد وماخذ البنية اللي تريدها من زماان وماارضى !!! حتى حرام .. اني هسه فرحان اكثر منك .. اطمئنيت عليك هسه .
فؤاد :
الله يطولنه بعمرك وينطيك الصحة والعافية وميحرمنه من دعائك يارب ..

ابوي طش الخبر واتصلت بيه جنان مسويه حفله هي وعدنان والجهال يركصون ويغنون واني اسمعهم واضحك :
اول منبدي وشنكول .. لا اله الا الله ..
الف الصلاة اعله الرسول .. لا اله الا الله ..

فؤاد :
هههههههههههههههه الله لايحرمني منكم .
جنان :
وهاي فرحتنه الجبيرة فرحت كل العشيرة ... اي والله هاي فرحة جبيرة يمه يافؤاد احس حتى امي هسه مرتاحة بكبرها لان انت فرحان .
فؤاد :
الله يرحمها ..
جنان :
وفؤاد ياجكليته حامض حلو اباكيته كلللللللوووششش .
فؤاد :
هههههههههه لج كافي صوتج الجيران شيكولون عليج .جهالج هسه يكولون امنه اتخبلت .
جنان :
الجيران شنو خيكولون مو مهم اني فرحانه والدنيا كلها احسها فرحانه وجهالي يدرون بيه مخبله مو جديدة عليهم بعدين اني وياهم جاي نتمرن يجوز نسوي فرقة بالمستقبل .
فؤاد :
ههههههههههههههههه هههههههههههههههه .

بعدين حجه وياي عدنان وباركلي :
خويه اني ابتليت ؟
فؤاد :
ليش ؟
عدنان :
انت يومية تعرس واني لازم اكعد يومية اسمع خطط اختك بالعرس شتسوي .. هيجي تركص وهيجي تهوس وهيجي تروح للصالون وهيجي راح تخيط بدلة وهيجي راح تشتري عمي اني شذنبي وهسه الا تكوم تهوس ويانه .
فؤاد :
ههههههههههههههه حقك والله ههههههههههههه امسحها بوجهي ..

اما حنان فكالت :
تجون هنا تتزوجون مو صح ؟
فؤاد :
لا طبعاً وين نجي ههههه .
حنان :
لا فؤاد عفية تعالوا هنا نريد نفرح بيكم .
فؤاد :
ميصير توهم داخلين الدولة ميكدرون يطلعون ويرجعون على مزاجهم .. بعدين اني دوامي صاير سوك مريدي يومية عايف شغلي ورايح للعراق .
حنان :
يالله المهم وافقت والله عليه كومه نذوره بس تتزوجون ان شاءالله .
فؤاد :
اهم شي تديرين بالج على نفسج وتتغذين زين تره هي راح تراقب حالتج عن بعد هههه .