دراويش

دروايش 31

#دراويش
بقلم #روز_الفياض
ح٣١
.
.
.
لم يبقى لي اصدقاء سوى صوركم ..
استرق لحظات من ساعات العذاب لامتع نظري برؤيتكم واتسائل هل لي لقاء قريب معكم ؟؟
هل تصلكم صلاتي ودعائي؟ هل تشعرون بأشتياقي لكم ؟
رحمكم الله يااجمل واطهر من عاشرت في حياتي ؟
.
.
.
من يوم اللي كلي كريم انه فؤاد ميت واني احس بذنب عظيم بركبتي ..
ليش حبيتيه ياآمنة ؟
ليش جنيتي عليه ؟
حرمتيه من حياته ومن شبابه وحرمتي امه منه ...
اووف يافؤاد ..مااريد اكون خاينة وافكر بيك بس غصباً عني ..
كل تصرفات كريم تخليني اقارن بينك وبينه ..
كل تصرفاته تخليني اختارك انت .. حتى وانت ميت ..
.
.
سيف ملا علي حياتي اني صرت امه وابوه وكل عائلته ..
واستمرت روحاتي ورجعاتي على شكو دكتورة اسمع بيها زينة وشاطرة بسبب الحمل بس ماكو نتيجة ..
رغم كوني اني دكتورة نسائية بس كلت يمكن غيري يكتشف العله العندي وين ..

وبقى كريم مثلما هو يومية يعيرني بفؤاد وبكل مناسبة يذكرني انه هو مات ..

مرت الايام والاشهر وسيف صار بالمدرسة وكريم بعده على تواصل مع كريم زوجي ..
فد يوم اجه واحنه جنه نريد نطلع ركبنه بالسيارة واجه كريم ..

نزله كريم زوجي واخذه على صفحة يحجي وياه بعدين دخل للبيت مدري شيجيب وعافه برا ..
اتعمدت نزلت حتى اخلي كريم يشوفني ..
من شافني نزل راسه وسوه نفسه ميعرفني .. بس اني اتذكرت فؤاد الراح غدر هو وغازي وتغريد والبقية واكيد بسبب كريم الحقير ..
اتعمدت سلمت عليه :
كريم شلونك ؟

ارتبك من عرفته ورد السلام :
هلا خوية هلا بأم سيف ؟
آمنة :
شلونها حنان؟ انت مو ناسبت فؤاد ؟

جاوبني بارتباك اكبر :
اي .. اي زينه .
آمنة :
الله يرحمه ..

رفع راسه باوعلي بنظرة معرفت شنو معناها .. سمعت صوت خطوات كريم رجعت للسيارة ..

من راح وطلعنه بالسيارة سألت كريم :
تتذكر من اعتقلوني الامن وانت انقذتني ؟

نفش ريشة كريم :
هو هذا شي ينسي .. لوما اني موجود جان انت هسه بخبر كانَ .
آمنة :
صحيح .. همزين انت موجود .. اتذكر من بدا يحققون وياي واحد منهم ضربني وخله خشمي ينزف دم .. لازم تعاقبه،ولو مااعرف اسمه .. والضابط،الثاني سألني منو تغريد وغازي ومحمود وكريم ؟ وشنو علاقتج بيهم ؟
كتله مااعرفهم مجرد زملاء تغريد جيرانه وبينه سلام ..

بقى كريم ساكت يريد يفهم سؤالي وين اللي اني لفيت هاللفه الطويلة العريضة حتى اسأله بدون ميحس ..
آمنة :
هذا الحقير جان وياهم ..

دار علي وكلي بحذر :
هذا منو؟
آمنة :
هذا التوه اجاك .. هذا كريم الجان وياهم .. هم هو خاين وجان المفروض ينعدم حاله حال الخونه ..

ارتبك كريم شوية حس اني فهمت اللعبة بعدين جاوبني بعصبية :
وانت شعرفج بيهم خونه ؟
آمنة :
انت يوميه جنت تعيد علي هذا الحجي والضابط،الحقق وياي كلي ذول خونه وانت بت شخص مناضل شلون اسمج اجه وياهم ؟ كتله اكيد اكو احد مخلي اسمي متعمد ..
كريم :
طبعا متعمدين خلوا اسمج حتى يأذوني اكيد جانوا مراقبينج ويعرفون احنه من نفس العائلة نرجع ..
آمنة :
وهذا الكلب هو المخبر عني ..
كريم :
انت شمدريج هو ؟
آمنة :
لان ذبح نفسه علي بالكلية بس اني مااباوع لهيج شكولات .. اكيد راد ينتقم لان فشلته .. وبعدين اشمعنه هو ماانعدم ؟