"30% ပဲပေါ့"
"အင်း"
"သိပ်တိကျတာပဲနော်.. ဘယ်တော့မှ 30%က မလျှော့ဘူး"
"နေ့လည်စာပါပေါင်းရင် နင်ပြောတဲ့ 40%ပြည့်နေပြီလေ.. ထပ်လျှော့စရာရှိသေးလို့လား"
"အရွက်သုပ်လေးတစ်ပွဲကို ထည့်ပြောနေတယ်.. တွန့်တိုချက်ပဲ အဲဒါကြောင့် ရည်းစားမရတာ"
ကြွေပန်းကန်ပြားဖြူဖြူထဲက အရွက်သုပ်ကို ခက်ရင်းနှင့် မညှာမတာထိုးချေပြီးမှ ပါးစပ်ထဲ ပလုတ်ပလောင်းထည့်ဝါးသည့် ကောင်မလေးက Perthကိုလည်း အချိန်မှီ မျက်စောင်းထိုးဖို့ မမေ့။
Perth ဖန်ခွက်ရှည်ထဲက လတ်လတ်ဆတ်ဆတ် လိမ္မော်ရည်ကို တစ်ကျိုက်သောက်ပြီးမှ နှုတ်ခမ်းတွန့်၍ ပြုံးလိုက်သည်။
"ငါ့မှာ ရည်းစားမရှိဘူးလို့ ဘယ်သူပြောလဲ"
"ပေါက်ကရ"
နှုတ်ခမ်းနီနီဖူးဖူးလေးနှင့် စိတ်ဆိုးဟန်ဆောင်နေသော ကောင်မလေးက သူ့ကို မယုံသလို မျက်လုံးထောင့်ကပ်ကြည့်သည်။ Perth၏ ပိုင်နိုင်လှသော မျက်နှာပေးကို မယုံသင်္ကာဖြစ်ဟန်နှင့်။
နောက်ဆုံး ကောင်မလေးက လက်လျှော့လိုက်ဟန်၊ နှုတ်ခမ်းကိုမဲ့၍ ရွှေဝါရောင်ဆံနွယ်ခွေခွေတွေကို တစ်ချက်ခါသည်။
"အဲ့ရည်းစားလည်း အချိန်မပေးတာနဲ့ ပြတ်မှာပဲ.. ဟွန်း ညီမအတွက် ရိုးနေပြီ"
"ဟက်!"
"အခုဆို ပိုဆိုးလာပြီမလား.. ဆိုင်မှန်းမသိ ကုမ္ပဏီမှန်းမသိ ရည်းစားတောင်ရှာဖို့ အချိန်မရှိပဲနဲ့ လျှောက်ပြော"
"နင် ဒီနေ့ schedule မရှိဘူးလား"
"ဒီနေ့ တစ်နေ့လုံး off.. အဲဒါကြောင့် ညီမနဲ့အတူ ဈေးဝယ်လိုက်ပေးပါလား.. ဟင်"
မျက်နှာလေးရှေ့တိုးကာ မျက်တောင်ပုတ်ခတ်ပုတ်ခတ်နှင့် ageyoလုပ်ပြနေသော ချာတိတ်မကို လျစ်လျူရှုပြီး လက်မှနာရီကို တယုတယမြှောက်ကြည့်လိုက်သည်။
"နင့်ကို နေ့လည်စာလိုက်ကျွေးတာတောင် အချိန်တော်တော်ကုန်နေပြီ"
"ဖြစ်ရလေ.. အဲဒါဆို အကျီကို 45%လျှော့ပေး"
"ဆုတောင်း"
