(Zawgyi)
Perth, သူ့ရင်ခွင်ထဲ ငြိမ်သက်နေသော လူသားကို ငုံ့ကြည့်လိုက်သည်။ ခါးတွင် မြဲမြဲတွယ်ဆက်ထားဆဲဖြစ်သော လက်များမှ အပူငွေ့များက သူ့ခါးတစ်လျှောက်ပြေးလွှားနေဆဲ။ ဆန့်ကျင်ဘက်အနေနှင့် သူ့ရင်ဘတ်တစ်ခုလုံးကတော့ မျက်ရည်များနှင့် စိုကပ်နေသည်။ ခါးမှလက်များကို အသာဖြုတ်ချလိုက်တော့ ရင်ဘတ်တွင်အပ်ထားသော မျက်နှာကပါ ကွာကျလာသည်။ မျက်ရည်စတစ်ချို့နှင့် မျက်နှာပြောင်ပြောင်အား သေချာကြည့်တော့ အငိုသန်သော ကလေးတစ်ယောက်နှင့်တူသည်။ ဖောင်းအစ်အစ်မျက်လုံးများ၏ မျက်ခွံများမှာ နီရဲလျက်။
အမှတ်တမဲ့နှင့်ပင် သူ့ရဲ့လက်က စိုစွတ်နေသော ပါးပြင်များဆီ ရောက်သွားရသည်။ အငိုရပ်သွားတာ ကြာပြီဖြစ်၍ မျက်ရည်တွေ ခြောက်သင့်နေပြီဖြစ်သော်လည်း စိုထိုင်းနေသော အကျီကိုမှ ပါးအပ်ထားခဲ့၍ မျက်နှာတစ်ပြင်လုံး ရေနူးနေသည်။ အေးစက်စက်ပါးပြင်ကို ခြောက်သွေ့စေရန် လက်ဖဝါးများနှင့် ဖိပွတ်လိုက်ပေမယ့် ကောင်လေးကျောပြင်ကို အချိန်ကြာဖိအုပ်ထားခဲ့သည့် သူ့လက်ဖဝါးတွေမှာ ချွေးပြန်နေဆဲမို့ သိပ်တော့မသေချာ။ သို့နှင့် တစ်ဆက်တည်း နဖူးကိုပါစမ်းကြည့်တော့ မူလထက်မလျော့သော အပူရှိန်က သူ့လက်ဖဝါးဆီချက်ချင်း ကူးစက်လာ၍ သက်ပြင်းချလိုက်မိသည်။
"ဒီပုံစံနဲ့ ဆေးရုံသွားဖို့ မလွယ်လောက်ဘူး"
ကောင်လေးက သတိလစ်နေတာမဟုတ်သော်လည်း နှိုးဖို့လည်းမဖြစ်နိုင်၍ ဆေးရုံသွားဖို့က အဆင်မပြေ။
သူ့အနေနှင့် လေးလွှာကနေ ချီပိုးသယ်သွားဖို့က လွယ်သည့်အလုပ်မဟုတ်။
သို့နှင့် ကောင်လေးကို ဆိုဖာပေါ် အသာလှဲချပေးလိုက်ရသည်။ လူငွေ့မရတော့သည်နှင့် ချက်ချင်း ပုစွန်တုပ်ကွေး ကွေးသွားသူအား ကြည့်ရင်း
"ချမ်းလည်း မတတ်နိုင်ဘူး.. အပူကျအောင် ရေပတ်တိုက်ပေးရမှာ"
အိပ်ပျော်နေသူ ကြားသည့်အလား ပြောချင်ရာပြောပြီး ရေချိုးခန်းထဲ ဝင်ခဲ့လိုက်သည်။ တန်းပေါ်အသင့်လွှားထားသော မျက်နှာသုတ်ပဝါနှင့် တဘက်ကိုယူပြီး ဖလားထဲ ရေထည့်ခဲ့ပြီး စားပွဲပေါ်အရင် လာတင်ထားလိုက်သည်။ ပြီးနောက် အခန်းမီးမထွန်းထားသော အိပ်ခန်းဘက်လျှောက်ခဲ့ရပြန်၏။
