ملاك

الـحـلـقـة الـسـابـعـة والـثـلاثـون

انااااااا جييييييييت..

وجبتلكم فصل جديد، ومن النهردا هيكون موعدنا كل يومين، عشان متزعلوش مني..

اتمنى الفصل يعجبكم، صحيح هو مش طويل، بس اهو حاجه نتسلى بيها واحنا صايمين، ورمضان كريم وكل سنه وانتم طيبيبن...
_____________________________________________

تــبــاً لــشــوق!
قادر على قتلي الف مره..
وليس قادراً على احضارك...
ولــو مــره!!.
_____________________________________________

دخلت على اختها لتجدها كما تركتها عليه، فتنهدت بحزن قبل ان تقترب منها وتجلس بجانبها...

لمست ذراعها لتتمتم: ممكن تنزلي معايا عشان تاكلي حاجه، انتي بقالك كتير على الحال دا، حرام عليكي نفسك!.

لم تجيبها كالعاده لتردف باستماته: خلاص يا "ملاك" عشان خاطري، ارحمي نفسك بقى، ورحمه "مالك" بطلي اللي انتي فيه دا!.

لم تستطع السيطره على دموعها حين ذكر اخيها فتسابقت على وجنتيها بحرقه..

مسحت "ملك" دموع اختها مهمهمه: خلاص بقى، محدش يستاهل تعملي بنفسك كده عشانه!.

نظرت الى اختها لتهمس بنبره متحشرجه: هو وحشني اوي يا "ملك"، نفسي اشوفه او اسمع صوته، نفسي اتكلم معاه وشكيله منه، نفسي انام في حضنه زي زمان، نفسي في حاجات كتير بس هو مش موجود، هو سابني ومشي!.

ازداد بكائها لتأخذها اختها باحضانها ضامتها لصدرها بحنان وتملس على خصلاتها برقه قائله: هيرجع، صدقيني هيرجع، وكل حاجه هتتحل ان شاءالله، متفقديش الأمل كده!.

هزت رأسها بنفي قائله من بين دموعها: مش هيرجع يا "ملك" مش هيرجع، هو نهى كل حاجه، هو اللي كتب نهايتنا بأيديه، مش هيرجع!.

ابعدتها عنها محتضنه وجهها لتهتف بحزم: يبقى انتي تبيعيه زي ما هو باعك، هو مش لاقيكي في الشارع عشان يعاملك بالشكل دا، ولو فاكر ان مفيش حد يوقفله يبقى غلطان، انا موجوده وهقفله لو حصل ايه، اهم حاجه انتي متتأذيش!.

همست بضعف: بس انا بحبه، ومش قادره اعيش من غيره!.

_ استحملي، طالما بتحبيه وعايزه جوازكم يستمر يبقى تستحملي، وعرفي ان اي زوجين في الدنيا بتحصل معاهم مشاكل، والست بذكائها تعرف ازاي تحافظ على بيتها، انتي اختاري، يا اما تنهي علاقتك بيه او تحاولي تصليحها معاه لما يرجع، تمام!.

اقتنعت قليلاً بكلام اختها لتومأ لها بانصياع وهي تمسح دموعها، فابتسمت بحنان مردفه: طب ياقلبي، يله انزلي معايا عشان تاكلي معانا!.

رفضت بهدوء: مش عايزه يا "ملك" والله مش جعانه...

قاطعتها بصرامه: مفيش الكلام دا، انتي هتنزلي وهتاكلي والا هزعل منك والله!.