ملاك

اقتباس

انـــــــــــــــــا جــــــــــــــيــــــــــــت
نـــــــــــــورت الـــــــــــبـــــــــيــــــت..

انا جبتلكم اقتبااااااس ياااابشرررر، افرحو وهيصو!.

عشان تقولو ان "بيان" قاسيه وشريره ومفتريه يا ظلمه!!.
______________________________________________

تأففت بغيض من تلك الفتاه اللعينه والسمجه بالنسبها لها، الا يكفي انها ستجلس معهم لأسبوع، الا يمكنها ان ترحمها من لسانها السليط ليوم واحد فقط...

تمتمت من بين اسنانها بحنق: بقولك ايه، اسكتي احسنلك عشان انا دلوقتي مش طايقه دبان وشي، فتقي شري ياشاطره!!.

هتفت "اروى" بتسليه ماكره: عارفه، انا و"ادهم" زمان كنا قريبين من بعض اوي، لدرجه ان اي حد يشوفنا بيقول انتم اتخلقتوا عشان بعض، و"ادهم" كمان كان بيضرب اي حد يقف معايا وبيقولوا ابعد عن مراتي..

قاطعتها بعد ان طفح بها الكيل: يابت يا كدابه، ازاي الناس هتقولكم كده و"ادهم"اخر مره زاركم كان عنده 12 سنه وانتي كنتي لسه في اللفه، وامتى دافع عنك ياكدابه يابنت المحروقين، دا انتي اللي لازقاله هو و"ادم"، بطلي كدب بقى!.

صدحت صوت قهقهه"آية" عالياً بعد ان استمعت لتلك الكلمات من فم زوجه اخيها لتنظر الى "اروى" بسخريه مردفه: بنت المحروقين!.

وعادت الى ضحكها ثانياً مما جعل تلك الفتاه تغتاض كثيراً لتنهض هادره بوجه "ملك": اتكلمي معايا كويس يا بتاعه انتي، والا والله هقول لـ"ادهم" و"ادم" عليكي وهم هيعرفوا يتصرفوا معاكي كويس ويعرفوكي مقامك!.

زجت على اسنانها بحنق لتنظر الى "آية" متمتمه: هي عايزه تتضرب مش كده؟.

أومأت لها "آية" بأيجاب وهي تزم شفتيها لترد "ملك" بقوه: يبقى اقوم عشان اديها المقسوم!!.

نهضت بسرعه لتتجه نحوه تلك المتكبره لتقوم بأمساكها من خصلاتها بقوه جعلت الأخرى تصرخ بألم، باغتتها بصفعه مدويه على وجهها لتلحقها بالثانيه...

هللت "آية" بفرحه وحماس: ايوه يا "ملك" اضربيها اكتر، عايزه دم!.

استمعت "ملك" لها لتصفع "اروى" للمره الثالثه ثم تقوم بمسك خصلاتها بعنف وهي تهز رأسها قائله بحنق: مين دول اللي يعرفني مقامي يا عره النسوان، يا بايره يللي مش لاقيه حد يبصلك ويلمك، دا انتي بتلفي ورى الرجاله عشان واحد بس يتجوزك ومحدش يعبرك، وحاطه عينك على جوزي وجوز اختي كمان وعايزه تلعبي على حد فيهم، دا انتي وقعت خالتك سوده معايا!!.

صرخت "اروى" بألم: ابعدي عني يا همجيه يا بيئه انتي، سيبيني!.

هدرت باستنكار: انا همجيه وبيئه، طب استلقي وعدك بقى!.

صرخت بفزع حين قامت "ملك" برميها على الأرض ثم تجلس على معدتها وتبدأ بضربها بجميع انحاء جسدها، صفعات، وقرص، وأيضاً عض، لتخرج "ملك" المرأه المصريه الأصيله المدفونه داخلها...

وضعت "اروى" ذراعيها امام وجهها لتحميه من بطش تلك المجنونه التي على ما يبدوا انها ستخرج جنونها عليها الآن، و"آية" خلفهم ما زالت تهلل بسعاده وتصفر بقوه وهي تهتف بكلمات مشجعه لزوجه اخيها!!.
_____________________________________________

ايه رأيكم، بذمتكم مضحكتوش، شوفتو انا طيبه ازاي وبحبكم اد ايه...

توقعاتكم لبارت بكرا...

دمتم سالمين احبتي...

#byan