Jikk Too ( U + Z )

1 🌻

( Unicode )

" Byun Baek Hyun...."

" Yes မာမား...."

" ကြွခဲ့ပါဦး ဒီကို ခဏလောက်...."

" Yes မာမား...."

" Yes မာမားကိုနောက်ထား....
လူအရင်ကြွ...."

ဟု မေမေက လှမ်းအော်သည်ကြောင့်
ဆော့လက်စ ဂိမ်းကိုပစ်ထားခဲ့ကာ

" လာပြီ လာပြီ မာမားရေ..."

ဟု အော်ကာ အပေါ်ထပ်အခန်းကနေ
အသည်းအသန်ပြေးထွက်လာခဲ့သည်....

အောက်ထပ်ကိုရောက်ဖို့
ကျွန်းလှေကားကြီးကနေ
လှေကားထစ်ပေါင်းများစွာကို
ကျော်ဖြတ်ကာဆင်းရဦးမည်ကြောင့်
လက်တန်းပေါ်ကို တက်ထိုင်ကာ ဖင်ဖြင့်
လျှောတိုက်ပြီး ဆင်းသွားလိုက်သည်...

အပေါ်ထပ်ကနေ လှေကားလက်တန်းကို
တက်ထိုင်ကာ လျှောတိုက်ပြီး ဆင်းလာသော
ကျွန်တော့ကို ဧည့်ခန်းတွင် ထိုင်နေသော
မေမေက မြင်သည်နှင့်

" ဟယ်.... မျောက်​​လောင်း....
ဆင်းစမ်း... ဆင်းစမ်း....
ငါ ဘာပြောထားလဲ....ဒီလိုမျိုး
တက်မစီးပါနဲ့လို့ ပြောထားလား
မပြောထားဘူးလား....."

ဟု မေမေ မေးသည့်အချိန်တွင်
ကျွန်တော်က လှေကားလက်တန်းပေါ်ကနေ
အောက်ကိုရောက်သွားပြီ....

" ဟီးဟီး...မေမေက မစီးနဲ့လို့
ပြောထားတာကို သားခဏမေ့သွားလို့ပါ..."

ဟု ခေါင်းကိုကုပ်ကာ ရယ်ကျဲကျဲလုပ်ပြီး
ပြန်ဖြေလိုက်တော့

" မေ့စရာလား...မေ့စရာလား....
အေးးးး ခဏမေ့သွားတဲ့ ခေါင်းကို
ပြန်မှတ်မိအောင် လုပ်ပေးမယ်...လာခဲ့..."

ဟု လှေကားပေါ်ကနေ ဆင်းခါစဆိုတော့
အရှိန်က မထိန်းနိုင်ဘဲ ရှောင်လင်သိုင်းကွက်ပင်
ထုတ်မသုံးရသေးခင် မေမေ့လက်အတွင်းသို့
ကျွန်တော့နားရွက် ကျရှုံးသွားခဲ့ပြီ....

မေမေကတော့ ကျွန်တော့နားရွက်ကို
အပီအပြင်ဆွဲလိုက်လို့ စစ်ပွဲမှာ
အောင်မြင်သွားတဲ့စစ်သူကြီးနှယ်
အရှေ့ကနေလမ်းလျှောက်သွားတော့
ကျွန်တော့မှာ နားရွက်ပြုတ်မထွက်ဖို့အရေး
မေမေ့အနောက်သို့ အသည်းအသန်
ပြေးလိုက်နေရသည်....
ပါးစပ်ကလည်း နာကြောင်းကို
အော်လျက်နှင့်ပေါ့....