Captured by the Mafia Boss

Cᴀᴘᴛᴜʀᴇᴅ 6

Sana pala nag-stay na lang ako sa bahay namin ni Esquival kaysa nandito ako. Mapagtatyagaan ko pa ang mukha ng isang lalaki na 'yon kaysa sa mga nagpa-plastikang tao na nakapaligid sa akin.

Kasalukuyan akong nasa birthday party kasama ang parents ko. Debut kasi ng anak ng chief financial officer ng companya namin na si Mr. Ching. Si Daddy ay isa sa eighteen gifts.

" Kuya tikman mo 'to, ang sarap! " napalingon ako kay Tiffany na may kinakain na kahit hindi pa nagsisimula ang party.

Tiffany Permejo is my youngest sister. She is 12 years old and currently grade six student. Kung ikukumpara siya sa ibang bata, matangkad siya para sa grade 6 . Kulot ang mahaba niyang buhok at may pagka-chubby siya. At higit sa lahat, isa siyang pabebe.

" Kaya ka tumataba, kain ka nang kain " paninimula kong pang-aasar sa kaniya kaya sinimangutan niya ako.

" Kaya ka walang jowa dahil sa pag-uugali mo " hirit niya na may kasama pang pagmamaldita.

" Kaya bili ka nang bili ng damit kasi hindi na kasya damit mo sa sobrang taba mo. Puro matatamis kasi kinakain mo kaya ganiyan ang size mo " hindi ko papatalo sa kaniya.

Hindi naman talaga siya mataba, sakto lang ang size niya. Gusto ko lang siya asarin kasi wala si Mom and Dad sa table namin. Busy silang makipag-usap sa debutant.

" Atleast etong kinakain ko may ka-sweetan. Eh ikaw, wala. Hindi ka na magkakajowa dahil wala ka man lang lambing sa katawan. " hindi niya papatalo.

Natawa naman ako sa sinabi niya. Ang sarap niyang barahin na hindi na talaga ako makaka-jowa dahil may asawa na ako kaso pinili ko na lang tumahimik. Ininom ko na lang ang tubig sa table namin.

Hindi pa rin nagsisimula ang event dahil maaga pa naman para sa call time ng party. Ayaw kasi nina Mom at Dad na nale-late  kapag may ganito kasi nagmumukhang pa-importante sila kaya mas gusto nilang early bird sila.

" Woah! Gwapo naman n'on " napakunot ako ng tingin kay Tiffany habang kagat-kagat ang tinidor sa bibig.

Sinundan ko ng tingin ang tinitingnan niya. Muntikan ko ng mailuwa ang tubig sa bibig ko ng makita ko si Esquival kasama ng grupo niya. Kaagad akong umiwas ng tingin at bumaling sa kabilang gilid.

Shit! Bakit sila nandito?

" Kuya Blake, mukha kang tanga? " napatingin ako kay Tiffany na nagtataka dahil sa ginagawa ko.

Tinatakpan ko kasi ang gilid ng mukha ko para hindi nila ako mamukhaan. Kunyari makati ang gilid ng noo ko para 'di halata.

" Tumahimik ka nga diyan? Kumain ka na lang ng kumain " mahina kong banggit habang pinanlalakihan pa siya ng mata.

Inirapan lang ako ni Tiffany bago sumubo muli ng pagkain. Ngunit ilang sandali lang, para siyang uod na binuhusan ng asin dahil hindi mapakali sa pagkakaupo.

" Uupo ata sila sa bakanteng lamesa katabi natin " kilig na sabi ng kapatid kong bulate.

Sumulyap naman ako nang palihim pero hindi ko na naiwasan ang pares ng mga matang nakatingin sa akin habang nakangiti ng kakaiba. Umayos na ako ng upo kasi ano pang saysay ng pagtatago ko kung nakita niya na ako.

" Hi " bati nito sa akin.

Sinamaan ko lang siya ng tingin dahil nang-aasar ang pagmumukha niya.

" Hello, Kuyang pogi " si Tiffany na ang sumagot. Hindi ko alam kung saan nagmana ng kakapalan ng mukha ang kapatid ko.

Nginitian niya si Tiffany kaya nakaramdam ako ng pagkurot sa hita. Kinikilig ang kapatid ko ngayon.

" Hello " sagot ni Esquival. " You're so beautiful " puri pa nito.