شباب المخابرات "قيد التعديل"

part 42. (2)

*تابع الجزء الثاني من الفصل ٤٢*

بعد أن أستلمت ندي ومايان العمل ظلا جالسين في غرفة المراقبة يشاهدون الموظفين من خلال الكاميرات بملل قطعته مايان قائلة بصوت خافت : الله يسامحك ياعلي علي التدبيسه دي ثم نظرت لندي متابعة بصوت أعلي : إلا قوليلي ياندي إيه عاجبك في الشغلانة دي دا أنا قربت أنام مكاني
فتثاؤبت ندي قائلة وهي تضع يدها علي فمها : وأنا كمان هنام
فنظرت لها مايان بغيظ قائلة: نامي ياختي نامت عليكي حيطة أنا هقدم أستقلتي من الشركه اللي مش بتهش ولا بتنش دي دا حتي الناس تحسيهم تماثيل بصي بصي قامت وهي تشاور علي الشاشات قائلة بسخرية: بصي أخينا ده بقاله ساعه عمال يبص ف الورقة تحسي هيخترع الذرة ولا البت اللي عماله تبص حوليها ف كل حته دي وتميل تحت المكتب تحسي قعدين ف فصل وخيفين من الأستاذ وكلوا قوم وقسم المحاسبة قوم تاني إيديهم شغاله ما بتوقفش زي مكن الخياطة وكلهم لبسين نظارات هههههههههههههههههه شاركتها ندي الضحك فهي أكتشفت أن مايان تشبها في بعض الأشياء ومنها التنمر علي الآخرين
ندي قائلة : ميمو
فردت عليه قائلة: أمم
فأجابت ندي متسأله وهي تشير إلى الشاشة : شايفة ده ففالت وهي تنظر في هاتفها : لأ
فضربت ندي كتفها بغيظ قائلة: بصي ياجزمة قبل ما يمشي شكله مركب عجل ف رجله
فرفعت مايان رأسها وقالت عندما رأته : ااه قصدك ده دا دياب الغزاوي صاحبة الشركة راجل جد جدا وممل خالص فنظرت لها ندي برفعه حاجب قائلة: وإيه كمان ياست مايان
فضحكت قائلة بصوت لا يسمعه غيرهما : أومال هشتغل ف أي شركة وخلاص من غير ما عرف هي أيه ومين وبعدين قلت يمكن نطلع بمصلحه منها ونشمعها قبل ما نشتغل فيها ويبقي قدمنا قدم نحس عليها قصدي سعد عليها ههههههه
فشاركتها الضحك قائلة: ببصي جايب بنته معاه
فنظرت لها باستغراب قائلة: بنته مين ما عندوش عيال
فتابعت ندي قائلة: يبقي بنت أخوة
فقالت مايان: ماعندوش أخوات
فردت بغيظ قائلة: هتجنيني يابت مش لسه عاملين معاه المقابلة دلوقتي
فردت بضحكه قائلة: ندي ياروحي أنتي محتاجه تترقصي لا قعده البيت خلتك بقيتي غبيه عمر ياستي يبقي صاحبه وليه أسهم ف الشركة بس دياب ليه أكتر
وأستمر الحديث بينهم عن دياب وعمر والمعلومات التي حصلت عليها مايان بواسطة علي ولكن لا تستطيع أن تخبره ندي بذلك

*شركة زين *
زين : حازم أبعتلي ندي فورا
حازم : ندي مش هنا عل...
قطعه زين بغضب قائلا: فين الهانم مفيش مره أطلبها وألقيها جت ولا هي مش شاطرة غيرف المصايب وبس أتصلي بيها بسرعة
فرد حازم قائلا: ياBoss ندي مش هنا علشان أنت طردتها أمبارح
فتذكر زين فحاول أخفاء عدم تعوده علي وجودها قائلا بغضب: تمام أسأل الهانم سلمت كل شغلها هنا ولا سابتنا مش عارفين رأسنا من رجلينا كده روح شوف مين مسك مكانها 
فذهب حازم وهو يتمتم بغيظ قائلا: لما هو مش أد الطرد بيطردها ليه و لا شاطر يطلع غصبيته ف زوما وخلاص